DEN HAAG, Hulanda – Si ta pa lider di VVD, Mark Rutte, e intento di formacion nobo lo wordo haci pa SP, PvdA of Christenunie como di cuater partido banda di VVD, CDA y D66.
E mester forma un gabinete stabil cu por conta riba e mayoria den Tweede y Eerste Kamer.
Esey ta loke Rutte a bisa diaranson despues di un ronda di reconocimento nobo cu informador Edith Schippers. E politico di VVD a wordo apunta un biaha mas pa Twede Kamer pa por dirigi e dialogonan pa formacion, den un bon ambiente.
Dialuna esaki a cay den otro entre VVD, CDA, D66 y GroenLinks. E partidonan parce no a concorda riba e tema di imigracion, caminda cu e dialogonan a stop.
Schippers lo bay papia diaranson anochi cu varios di e lidernan di fraccion, pa asina mira ki tipo di coalicion por ta posibel.
Opcionnan
ChristenUnie ta un opcion, pero esaki D66 tin dificultad cun’e. E coalicion mester cay riba un mayoria minimo den tanto Tweede como Eerste Kamer.
PvdA por yuda VVD, CDA y D66 den un mayoria, pero Asscher no kier drenta e gabinete despues di e perdida den e eleccion.
SP a resta, pero Roemer no kier VVD. CDA, D66, pero tambe Schippers ta yama SP, en todo caso pa un dialogo. Esaki lo mester a tuma luga pa 7’or y 15 di anochi, ora di Hulanda.
Fuente: www.nu.nl