Rusia y Siria ta nenga e agentenan di OPAQ acceso na Duma

0
RBC Juli 2018
ling and sons porciento
Funmiles-2018

DAMASCO, Siria- Dos dia despues di a yega Damasco, e ekipo di inspectornan manda pa e Organisacion pa Prohibicion di Armanan Kimico (OPAQ) ainda nan no por tin accede na Duma, localidad situa un decena di km oost di e capital Sirio. Ainda despues di cu diasabra un denuncia di atake letal cu gasnan toxico a wordo duna. E regimen Sirio y su aliadonan militar Ruso, cu ta controla e ultimo enclave desaloha pa oposicion den e zona rebelde di Guta Oriental, a duna como motibo rasonnan di siguridad pa cera e paso na e investigadonan internacional. Diabierna anochi, avionnan di Merca, Francia y Reino Uni a bombardia centronan di investigacion di armamento Sirio den contesta na a atake na Duma.
E responsabelnan Ruso y Sirio te cu ultimo tabata reclama pa e inspectornan di armanan kimico cuminsa cu nan mision di busca prueba na Duma, den e ultimo oranan duna como hecho cu e comunicacion oficial cu e investigacion lo a pone den marcha cu caracter inmediato. Den e contactonan cu nan a mantene diadomingo OPAQ a limita su mes na ofrece e presencia na Damasco di e 22 supuesto testigonan di e atake kimico pa nan wordo interoga.
Gruponan di emergencia y sanitario relaciona cu e oposicion na presidente Bashar el Assad dia 7 a denuncia un atake kimico lansa pa e regimen a causa decena di morto, al menos 40, segun e prome informenan. Centenar di intoxicadonan pa inhalacion di gas y chloor y gas serin (agente nervioso).
Director di OPAQ a enfatisa den su comunicado cu e ta conta cu “tur e apoyo di e secretario general di Nacionnan Uni”, Antonio Guterres. Tambe el a anuncia cu el a pidi Organisacion Mundial di Salud (OMS) c u ta “comparti informacion cu el a recolecta danki na su colaboradonan riba e tereno aki”. Según OMS ta precisa, rond di 70 morto den e atake na Duma dia 7 di april ultimo, 43 a presenta cuadro relaciona cu substancianan toxico.

Comments

comments

C: Heineken
new india
dvg