Den e semi final e Croatanan lo enfrenta Inglatera den stadion Luzhniki di Moscu.
E seleccion di Croacia a clasifica e semifinal di Mundial Rusia 2018 despues di a gana e anfitrionnan di e torneo.
E encuentro disputa diasabra den e stadio Fisht di Sochi, a keda defini via penal unda e croatanan tabata mas preciso.
E Rusonan a tuma e delantero di e marcador na di 31 minuut cu’n golaso di Denis Chéryshev, pero poco despues Andrej Kramaric a empata e partido.
Vedran Corluka a anota e di dos gol pa e Croatanann den e prome parti di e extra tempo y ora tabata tin pensa cu e partido lo termina 2-1 na fabor di Croacia, Mario Fernandes a empata na di 115’ minuut, obligando pa e cuarto semi- finalista wordo defini pa medio di penalty.
E Croatanan mester a spera 20 aña pa bolbe den un semi final di un Copa di Mundo, caminda cu e mitico seleccion di Croacia den e edicion di Francia 1998, unda el a keda na di tres luga.
Den e semi final di Mundial Rusia 2018, considera pa hopi e miho edicion di e torneo cu FIFA ta organisa cada cuater aña, e ekipo Balcanico lo enfrenta Inglatera dia 11 di juli proximo den e stadion Luzhniki di Moscu.