E permiso di Edward Snowden pa keda Rusia, a wordo extendi te cu 2020, segun e vocero di Ministerio di Relacionnan Exterior Ruso, Maria Zakharova a confirma.
Snowden, un ex- contratista di e Agencia di Siguridad Nacional di Merca, a pidi asilo na Rusia na Juni 2013, despues di a filtra gran cantidad di informacionnan di inteligencia Mericano y operacionnan di vigilancia na medionan di comunicacion.
Snowden a fiha su residencia na Moscu, despues di a biaha inicialmente pa Hong Kong. Esaki a sosode despues di a filtra informacionnan clasifica na 2013. Gobierno Ruso a dun’e asilo politico despues. Na Augustus 2014, Snowden a ricibi un extension di tres aña pa e keda Rusia. E extension aki lo a caduca e aña aki.