MOSCU, Rusia – Rusia a logra identifica y detene tur e responsabelnan di e atentado suicida den e metro di St. Petersburg, un aña pasa. E atentado aki a cobra bida di 16 persona y mas di 50 persona a resulta herida. Esaki a wordo informa pa autoridadnan di e pais.
“A logra identifica tur e personanan relaciona cu e crimen aki, entre nan tin e autor intelectual, e organisado y e ehecutor di e atake”, segun e vocero di e Comite di Instruccion di Rusia, Svetlana Petrenko.
Fuente: https://www.efe.com