MOSCU, Rusia – Rusia lo entrega Venezuela mas of menos 600 mil ton di trigo den e actual aña comercial, cu ta finalisa na Juni proximo, minister di Agricultura Ruso a bisa Reuters, den un gesto cu ta profundisa e apoyo di Kremlin na e economia di e pais Sur Americano.
E presidente Ruso, Vladimir Putin y su paar Venezolano, Nicolas Maduro, a logra un acuerdo di suministro di grano na Mei, cu ta provee un liña vital na e pais Sur Americano, sumergi den un ola di creciente prijs di pan y caminda cu a bira comun filanan largo pa compra di bienesnan esencial.
Rusia, cu den e ultimo temporada no a entrega trigo na Venezuela, no a bisa te cu awo e cantidad di grano cu nan tin planea pa suministra bao di e terminonan di acuerdo.
E suministronan na Venezuela lo wordo entrega como parti di contratonan suscrito entre companianan estatal di Rusia y Venezuela, e minister Ruso, Alexander Tkachev, a bisa den un entrevista cu Reuters, den e marco di un cumbre cu inversionistanan Ruso.
Varios cargamento piloto ya a wordo entrega na Venezuela, el a agrega den un respuesta skirbi na un cuestionario entrega pa e agencia di noticia. Tkachev no a entrega mas detaye.
E Gobierno Venezolano a acudi crecientemente na su aliado Rusia en busca di efectivo y liñanan di credito vital pa su supervivencia, di acuerdo na un rapport di Reuters, publica luna pasa. Agricultura no ta e unico sector cu Moscu ta cooperando cu Caracas. Venezuela a tuma prestamo for di Rusia na 2011, pero no a logra cumpli cu e pagonan riba e debe na 2016. Rusia kier haya un solucin pa Venezuela completa e pago di su obligacionnan cu Moscu pa final di e aña aki, di acuerdo na un funcionario Ruso di alto rango.
Fuente: www.reuters.com