WASHINGTON D.C., Merca – E Agencia Central di Inteligencia (CIA) a conclui cu Rusia a itnerveni den e ultimo eleccionnan pa Cas Blanco pa yuda e candidato Republicano Donald Trump, segun e corant “The Washington Post” a publica diasabra.
Di acuerdo cu e rotativo, cu ta cita fuentenan di e agencia conocedo di un investigacion clasifica, personanan conecta cu Kremlin a filtra den e organisacion WikiLeaks, e emailnan piratea di e partido Democrata y di e campaña presidencial di Hillary Clinton.
“E conlcusion di e comunidad di inteligencia ta cu e obhetivo di Rusa tabata pa faborece e candidato riba e otro, yuda Trump wordo eligi. Esey ta e vision di consenso,” un fuente di CIA a bisa.
E ekipo di transicion di Trump a responde na e informacion ey cu un comunicado caminda cu e ta afirma cu “e hendenan ey ta e mesunnan cu ta bisa cu Sadam Husein tabata tin armanan di destruccion masivo.”
“E eleccion a caba masha dia cu un di e mayor victorianan den e Colegio Electoral di historia. A yega e momento pa sigui padilanti,” nan a agrega.
Fuente: NTN24