Central a dirigi patruya na un cas na Piedra Plat pa un caso di ladronicia. Eynan a papia cu e dama LGPP, kende a declara cu e ta traha na Cas Casuela. E ta huur parti di un cas na Piedra Plat y dicho cas a wordo parti den tres. Un parti ta wordo gehuurd pa e dama. E parti banda di dje ta wordo gehuurd pa dos ruman muhe ACQ y MQ. Riba diamars, 14 di Februari, pa 12’or di merdia, el a cera tur porta y bentana y a laga su cas intacto.
Su siguiente dia, banda di 4’or, el a constata cu su pañanan no tabata den su cashi mas, ora cu el a bay bisti. El a bay sigui controla y a haya falta di varios paña, carson, faha, perfume y placa. El a mira cu e bentana entre e viviendanan tabata habri y a sospecha cu e dos rumannan lo a drenta via e bentana y a bay cu e articulonan. Mirando cu tabata facil pa drenta via e bentana den e otro banda di e cas, nan no a laga ningun rastro cu algo tabata fout. E dos rumannan aki tambe tabata traha na Cas Casuela, pero a stop sin ningun motibo y a verhuis inmediatamente. Segun un otro trahado e rumannan lo tabata biahando pa Venezuela diadomingo. Keho a wordo duna.