Ruliene Arends, Preventie medewerker di FADA, a splica cu pa di tres aña consecutivo FADA hunto cu su partnernan lo tin nan carousel di Carnaval. Esaki ta pa tur e scolnan secundario cu ta desea pa FADA y e otro instancianan bay nan scol, papia cu e hobennan ariba e consecuencianan cu por tin ora di participa den Carnaval.
For di December caba, FADA a manda un peticioin pa wak si nan ta interesa den e carousel y esaki a resulta uno masha postivo. Prome cu aña a caba ya caba tabata tin scolnan cu a yama reserva. Pa e aña aki FADA lo traha conhuntamente cu Telefon pa Hubentud, Wit Gele Kruis, DBZ, DESPA y Cuerpo Policial. Esakinan ta forma parti di e team y cada team lo tin nan mesun tema cu nan ta traha cun’e y tur ta drei rond di Carnaval.
Ya diamars lo cuminsa caba cu e carousel. Esaki lo ta 2 biaha pa siman, te di dos siman di Februari. SI tinpeticion di e scolnan, si e scol tin hopi eerste klas lo sinta hunto pa wak si tin posibilidad pa haci un dia mas pa e mesun scol.
Si tin algun scol cu ainda no ta sigur si nan lo kier participa, por tuma contacto libremente cu FADA y lo wak si tin algun fecha habri ainda.
Cada instancia tin su mesun manera di trece e informacion dilanti. Di parti FADA lo cuminsa cu un charla tocante droga y alcohol y lo cab’e cu’n actividad di e famoso gogglesnan cu ta popular bou di e hobennan.