E pregunta dicon Rudy Lampe no ta bay mas riba lista como lider di partido, ta pa motibo di e sla di a perde durante e ultimo eleccion. Segun Rudy Lampe, miho un otro hende tuma esaki over.
El a splica cu na 2009, Lampe a haya e prome sla electoral. El a bay atras cu mas cu 1000 voto. E tabata tin un poco mas di 2000 voto na 2009, unda cu nan a perde nan unico asiento, unda cu nan a haci un trabao hopi dinamico y entre otro tabata tin e resultado di sentencianan den corte di e Fondo di Desaroyo Nobo San Nicolas, cu Lampe tabata un di esnan cu a tuma iniciativa pa impulsa e caso ey. Na 2008 8 hende a wordo sentencia den e caso aki door di un hues independiente di Hulanda. Na 2009 Lampe ta perde eleccion y ta bay atras cu 1000 voto. Esey tabata e prome sla duro cu Lampe a haya y despues na 2013 a bolbe cay den voto cu mita di su votonan. Kiermen na 2009 a haya un caida cu mita di e cantidad di votonan, na 2013 a bolbe bay atras y e ora ey den bida nan ta nabo un di dos chens. Lampe a haya su di dos oportunidad na 2013. Partido RED a confi’e y a bis’e cu a perde un prome oportunidad, pero ta duna Lampe un di dos chens. Na 2013 el a haya su di dos chens pa lidera e partido y atrobe e resultado tabata fatal y pesey na e momento ey a anuncia tambe despues di e di dos chens aki, ta yega tempo pa haya un liderasgo nobo, un cara nobo y ta importante pa boluntariamente bo baha y bisa laga un otro cu tin e capacidad pa haci un miho trabao cun’e y den e añanan aki tabata den e proceso pa busca un liderasgo nobo y finalmente despues y te ayera nochi ainda tabata deliberando den seno di directiva, a yega na e consenso cu ta sr. Ricardo Croes tin e honor y confiansa di e partido pa tin e liderasgo nobo aki pa eleccion 2017.