rudylampered

Durante su conferencia di prensa, Rudy Lampe lider di RED a trece dilanti cu un aña nobo ta nifica cu a yega momento pa paga number di auto atrobe. Segun Rudy Lampe, un cuestion cu ta ripiti tur aña y cu ta mal gastamento di placa. Lampe ta propone pa introduce un number di auto modern y nobo cu ta codifica y cu bo no tin nodi cambia tur aña. Bo ta paga bo impuesto normal y ora di control polis por busca tur informacion via un sistema digital. Asina no mester gasta tur aña placa pa traha e plachinan aki cu tin bes asta ta bai tira afo paso hende no a bin busca nan number. Lampe ta bisa cu e sistema anticua mester cambia pa un sistema nobo y cu ta ensera menos gasto. Ta un grupo di hende so ta gana placa tur aña cu trahamento di e plachinan, pues no ta na interes di e pueblo arubano y tambe ta evita e perdida di tempo pa bai SIAD y para pa oranan largo den rij.
Trahamento di e plaachinan aki ta un gasto inecesario pa Aruba. Cu e sistema moderno e gasto lo ta mas abou y e parti administrativo ta mas facil paso cu un click bo tin tur informacion di e cliente. E topico aki probablemente lo bira tambe un topico pa campaña ya cu mester propaganda Aruba como un pais moderno.