Rotonde di Weg Fontein cu iluminacion bunita

0

Den fin di siman a cende e luznan di e Rotonde di Weg Fontein, cual tabata un proyecto cu a inicia entre amistadnan. NV Elmar ta sostene e proyecto aki y a adopta e rotonde aki pa di 2 aña. Tur hende tabata contento di mira con bunita e rotonde a keda ilumina. E aña aki a uza alrededor di 30 mil luz pa e rotonde aki y e diseño ta basa ariba e bala nan di kerstboom. Aña pasa e rotonde a wordo hopi bishita door di e busnan cu ta sali busca luznan di adorno pa mira y tabata tin bon comentario di e turistanan tambe cu a bishita esaki.

E anochi aki a conta cu presencia di Gaita di Mama Rosa, unda cu nan a pone ambiente cu nan canticanan di Pasco. NV Elmar tabata presente na e cendemento di luz y a conta cu presencia di empleadonan di NV Elmar.
Na momento cu a cende e luznan di e rotonde tur hende tabata orguyoso di mira con bunita esaki a keda. Un palabra di gradicimento ta bay na e comision di bisiña y amigonan di Weg Seroe Blanco, kendenan a percura pa haci e trabounan boluntariamente. NV Elmar ta invita e pueblo henter pa pasa mira e bunita rotonde aki cual lo keda cendi te cu 5 di Januari 2018.

LEAVE A REPLY

Please enter your comment!
Please enter your name here