JCI Aruba lo bay tene un convencion pa tur su miembronan local. Esaki ta segun Roseline Croes, representante di JCI. El a splica cu e convencion tin bishita di miembronan di Corsou, Boneiro y St. Maarten. Tambe miembronan di Aruba, manera ya menciona.
Na MFA na Noord, tin reunion entre organisacionnan local y nacional. Ademas di esey ta dunando training na e miembro y huespednan cu tin di afo, tambe na comunidad di Aruba.
E grupo aki ta di miembronan di JCI Dutch Caribbean, cu ta bin hunto pa prepara pa e aña proximo.
Croes a splica e importancia di e charlanan aki ta pa sa di e problemanan den comunidad y mira kico por yuda aden den un manera of otro na e comunidad.
E papel di JCI Aruba ta pa yuda empodera e hobennan pa nan por ta den sociedad cu nan por yuda nan comunidad.
Esaki ta mas tanto e trabaonan aki ta boluntario, segun Croes. Naturalmente nan ta haya guia door di e mesun training y reunionnan, caminda cu nan ta wordo mustra con pa haci reunionnan efectivo, con pa acerca personanan den comunidad, e sponsornan si tin mester di nan. Eseynan ta e trainingnan basico pa nan por sali pafo y haci nan trabao.
E training lo finalisa diasabra, 15 di October. Fuera di e reunionnan cu JCI tin.
JCI ta gradici Superfood, SETAR cu a sponsor, tambe algun sponsor chikito cu a haya, Croes a termina.