Dr. Valika Smeulders, (naci na Corsou) ta studiando e desaroyonan rond di e presentacion di e pasado di varios comunidad di awendia. Su campo di trabao ta e area di Caribe, West- y Zuid – Afrika y Hulanda. Tur caminda, y durante full e historia, e opresion ta algo cu ta keda bin bek. Den su presentacion ‘Rosa rabia, planta pas’ Smeulders ta cita un expresion di Arubiano, Nydia Ecury, con varios pais ta handle varios perspectiva over di e pasado compleho. Un di e trendnan moderno den e presentacion di historia ta e focus ariba storianan individual. Via opinionnan personal, matizann profundo ta wordo treci den e historia global. Un ehempel di esaki ta e presentacion di e resistancia durante Segunda Guera Mundial. Smulders ta sigui e trend aki den su gira Pasado Presente na Den Haag y vecindario.
Durante e gira heroico Caribense, bishitantenan ta cera conoci cu heroenann manera George Maduro y Boy Ecury, kendenan ta practicamente desconoci na Hulanda. Asina ta trece un imagen mas completo di personanan cu a hunga un rol importante den e lucha pa libertad. Pasado Presente ta traha conhuntamente cu universidadnan, cu institutonan di patrimonio y organisacionnan social- cultural.