Tin tres punto hopi importante di parti di ATA. Na prome luga tin e organo di parti di turismo, cu ta yama Aruba Hospitality & Security Foundation cu a wordo funda pa AHATA, cu ATA a tuma na su encargo na 2011, conforme e palabracion eynan a bin ta aloca un fondo di 720 mil florin pa aña, durante e ultimo añanan, segun CEO di ATA, Ronella Tjin Asjoe-Croes.
E privatisacion di ATA y e modelo financiero claro, conforme maneho y naar mate cu ta alcansa e resultadonan, por tin e fondonan tambe, por explora opcionnan di amplia fondonan unda cu e necesidad ta sigur mas agudo y mas urgente, el a splica.
Di tres punto ta, ta hopi importante cu stakeholders den e sector turistico na 2014, ora cu ATA a evalua su plan di maneho pa e añanan cu ta sigui, a pidi pa pone mas atencion riba e parti di producto y entre otro a pidi pa pone mas atencion riba e aspecto di siguridad tambe, fuera di otro puntonan manera nos beachnan.
ATA, conforme tur e trayecto aki, ta sigui cana en berdad, scuchando stakeholders y scuchando kico ta e necesidadnan. Afortunadamente cu resultadonan sigur positivo e ultimo añanan, a bay man den man cu mas fondo cu lo por e ora ey en berdad haci posibel cu ATA por explora di no solamente shift unda cu tin mester, pero di aloca mas fondo. Esaki a bin ta tuma luga pa e parti di Aruba Hospitality & Security Foundation. Ta hopi importante pa subraya cu den e colaboracion cu tin cu AHSF, pa cual for di aña pasa tin un miembro di ATA den e hunta, ta importante pa realisa cu ta masha facil pa aloca fondo pa multiple aspecto, pero pa ATA ta importante cu semper kico cu ta haci cu e ta bin bek na e industria di e turismo, cu ta netamente pa cual e organo aki a wordo estableci. E ta un liña sigur den discusion cu e organo aki, ta trata di cana semper debidamente y ta hopi contento cu en berdad por ta un vehiculo pa por brinda sigur yudansa na Cuerpo Policial y brinda sigur na final di dia mas trankilidad, y preveni cualkier incidente pa pasa, pa nos bishitantenan, pero tambe pa socionan den sector turistico. Di banda di ATA, ta bay un palabra di danki ta bay na AHSF pa e cooperacion. Na tur esnan cu tin cu aproba e presupuesto di ATA, manera cu a wordo bisa, hunta di supervision di ATA, minister di Turiso y tambe finalmente Parlamento, cu tin sigur su momento pa duna input, danki pa realisa cu esaki ta importante y lo sigui traha estrechamente cu e organo y cu tur otro partido pa por sigura cu sigur Aruba ta keda un isla feliz y un isla sigur y realisando cu un incidente por daña e imagen aki y impacta esaki significantemente, no solamente pa ATA, pero den e caso di Aruba, pa un comunidad completo, segun Tjin Asjoe-Croes.