Riba diaranson 15 di Maart, durante un evento festivo na Arubiana, e anexo di nos biblioteca nacional, a marca e lansamento di e buki titula Island Life, Aruba’s Best-Kept Diary, un seleccion di articulonan skirbi pa Rona Coster entre 1992 y 2004. E prome bukinan a wordo entrega na Padu Lampe, e tata di Aruba su cultura, y Astrid Britten, director di Biblioteca Nacional Aruba, den presencia di mas of menos 100 invitado special. E buki di 200 pagina y kaft duro ta sumamente atractivo y ta duna e impresion di un dagboek of diario, marcando Rona Coster su di 25 aniversario como un columnista riba e isla.
“Niun hende a mantene un diario di e isla pa un kwart di siglo asina consistente manera Rona Coster”, Karin Swiers, e buki su redactor y publicador a remarca. “Loke a cuminsa como un columna semanal riba e bida di nos isla a crece pa bira un archivo unico y precioso, documentando e isla su top añanan di desaroyo. Pa preserva e informacion balioso aki tocante e bida di isla cu continuamente a mira cambionan den transcurso di e ultimo decadanan, y pa reconoce e personanan influencial cu a yuda construi y fortalece Aruba su economia, mi kier a publica e buki aki. Pa esnan cu tabata parti di historia por corda e dianan ey y pa e siguiente generacionnan y Aruba su bishitantenan por sinja tocante nos isla su tradicion, movemento y contribuidornan balioso.”
E columna a aparece pa e prome biaha bou di e titulo di Island Life na 1992 den The News, un corant local skirbi na Ingles. E columnanan di Island Life tabata presenta hopi hecho y tabatin un tono hopi fuerte di educacion. Marcando su di 25 aniversario, e columna a bira parti di Aruba su historia y memoria colectivo. Na 2004 Rona Coster a ricibi e Premio di Journalism CTC for di e Caribbean Tourism Organization pa su contribucion y logronan respetabel den periodismo.
E buki Island Life, Aruba’s Best-Kept Diary, ta obtenibel pa cumpra na tiendanan di buki local, esta De Wit & Van Dorp, incluyendo nan dos tiendanan na aeropuerto, na Plaza Book Shop y na Bruna. Den e area di Palm Beach, e buki ta na benta na varios resort y tienda di regalo: T.H. Palm & Company na Playa Linda, The Bazaar na Aruba Marriott Resort, The MarketPlace na Marriott’s Surf Club, Shoco Market na Hyatt Regency, Coconuts seaside na Barcelo Resort, Tradewinds na Costa Linda Beach Resort, na RIU Antillas, Hilton Aruba Caribbean Resort & Casino y Marriott’s Ocean Club, Pure Indulgence Spa na Divi Phoenix, Indulgence by the Sea Spa na Divi Mega Resorts, y na Taste of Aruba den South Beach Center.
Tocante e autor: Rona Coster a cuminsa su carera na Aruba como un ehecutivo di mercadeo y a produci un columna semanal di 1992 – 2015, cu despues a bira un columna diario riba internet. E ta e director gerente di Marketing Plus, co-fundador di Aruba su revista di estilo di bida Island Temptations y co-presentador di e show di radio 96.5% Pika na MagicFM. E ta e creador di 8 AM Buzz / BatiBleki, un columna diario riba media social y obtenibel como un App riba ambos plataforma di iPhone y Android platforms, bou di e nomber di App: Bati Bleki.