BERN, Suiza- E tenista Suizo Roger Federer dialuna a anuncia cu e lo no hunga den e torneo Open di Francia, cual lo cuminsa dentro di poco. Esaki ta pa e focus e resto di e temporada pa por prepara su mes miho riba yerba y tennisbaan duro.
Den un comunicado, e reciente ganado di e Open di Australia a sigura cu “pa hunga den e ATP World Tour durante hopi aña, e ta di opinion cu ta miho pa skip un temporada riba tera y prepara ariba e canchanan di yerba y di tennisbaan duro.
Federer, di 35 aña, na Januari a gana su di 18 titulo di e Grand Slam ora cu el a impone den e Open di Australia. E lo no participa den e Roland Garros, pa di dos aña consecutivo, aunke aña pasa el a perd’e esaki door di lesion.
Federer ya caba a gana tres titulo grandi na e inicio di e temporada, ora cu el a hisa e trofeo di Australia, Indian Wells y e Miami Open.
E anuncio di Federer ta bin oranan despues cu Rafael Nadal a gana su di tres titulo consecutivo di e temporada di e cancha di tennis di tera. E Spaño ta un candidato fuerte pa mantene e corona di Roland Garros, unda e lo bay en busca di su di decimo titulo.
Di e manera aki Federer lo enfoca na yega Wimbledon den e miho forma posibel, cual torneo el a gana shete biaha y cu lo cuminsa dia 3 di Juli.
Fuente: www.lta.reuters.com