Diaranson mainta sr Michell La Haye di rode kruis Aruba a splica riba bishita cu nan a haya di International Federation of Red Cross pa un demostracion den caso di un crisis.
Rode Kruis Aruba ta organisa un training international pa uzo di tecnologia den ora di brinda yudansa. Tur e seis islanan a manda un representante y a wordo siña con pa haci uzo di e tecnologia. Miembronan di Rode Kruis Internacional, di Panama y El Salvador como tambe Mexico pa duna e entrenamentonan aki. A duna un presentacion na departamentonan di gobierno pa asina wak kico ta e posibilidad di e sistema y kico ta su limitacion.
E training aki tabata destina pa tur boluntario di Rode Kruis Aruba y tambe representantenan di Corsou, Bonaire y Islanan Ariba. A haci un demostracion na tur departamentonan di gobierno cu tin de haber cu calamidad.
Sr. La Haye a sigui bisa cu e sistema ta cu bo por prepara pa un calamidad. E pregunta ta si di antemano, por manda preguntanan via telefonico pa un desaster. Boluntarionan ta wordo manda pa e casnan unda cu tin daño.
Dia 20 di November tabata tin un yobida basta fuerte, cu a laga parti di Palm Beach bou di awa. Rode Kruis a bishita mas o menos 150 cas. Si na November 2016 Rode Kruis tabata dispone di e sistema aki, lo no a dura luna, pero simannan. E voordeel di e sistema aki ta cu bo tin un bista hopi mas amplio di kico ta e problema, y ki tipo di ayudo cada caso mester wordo brinda. E lo haci e yudansa cu mester wordo brinda, hopi mas efectivo.
Dia 7 di Oktober lo tin un training grandi na nivel internacional unda cu lo trece e parti teoretico den practica, den cada scenario posibel, segun Sr. La Haye, di Rode Kruis Aruba.