Rocco Tjon (MEP): Parlamento ta exigi splicacion di minister Otmar Oduber

0
RBC Juli 2018
ling and sons porciento
Funmiles-2018

Durante ultimo rueda di prensa, lider di fraccion di MEP, Sr. Rocco Tjon MBA, a splica cu nan ta haya e contestanan di e mandatario en cuestion cu su maneho pa cobra pa piki sushi den 2018 incompleto. Enbes di trece claridad pa e conmocion ocasiona e ta percura pa mas pregunta, segun lider di fraccion di MEP.

CONTESTANAN DI E MANDATARIO
E contestanan tawata incompleto y no a trece claridad pa cu e motibo dicon e aña aki ta scoge pa cobra pa recoge sushi. Diferente pregunta a keda sin haya contesta y diferente di e contestanan ta contradeci nan mes.

MOTIBO DI PREGUNTANAN RIBA MANEHO DI E MANDATARIO
Fraccion di MEP a tuma nota den prensa cu e mandatario a anuncia cu pa prome di juli 2018 lo cuminsa cobra pa recoge sushi. Esaki a conduci na diferente pregunta door cu na april a aproba e peticion di e mandatario pa aloca 5.378.800 miyon florin extra, netamente pa cubri gastonan pa recoge sushi durante 2018. Tur pregunta cu ta referi na e aspecto aki no a haya contesta di e mandatario.

REUNION PUBLICO
Manera a wordo anuncia fraccion di MEP a manda un peticion na Presidente di Parlamento pa yama un reunion publico pa e mandatario bin responsabilisa su mes na Parlamento. Den un estado di derecho e tipo di debatenan aki ta wordo hiba den sala di Parlamento y p’esey no lo bay hiba e debate aki den prensa of via rednan social.

Motibonan di e reunion ta cu preguntanan haci por escrito no a conta cu contestanan completo, conmocion cu e maneho di e mandatario a ocasiona y pa Parlamento haya splicacion kico a sosode cu e 5.378.800 miyon florin extra cu a wordo aloca.

Comments

comments

C: Heineken
new india
dvg