Las Vegas, MERCA- Al menos tres ladron bisti cu mascarada, bon bisti y cu’n martiu di palo den man a diasabra merdia a drenta den un joyeria di luho den un di e hotelnan di mas luhoso di Las Vegas.
E robo a obliga autoridadnan di cera algun zona di e luhoso Bellagio Resort & Casino y mester a saca e huespednan di un manera rapido for di e hotel.
Segun autoridadnan, e tres personanan aki tabata tin bisti cu bachi y dashi, y un di nan tabata tin un mascarada di porco bisti. Ta ser sospecha cu al menos un di nan tabata arma.
Tres sospechoso ta deteni y ta wordo interoga door di autoridadnan. No tabata tin persona herida den e robo, segun polis a informa.
Autoridadnan a bisa cu ta mucho trempan pa sa kico y cuanto nan a bay cun’e.