Tabata e delito mas facil pa e suheto: sali di e local den bista di e guardianan di siguridad y bishitantenan di e galeria cu e obra den su brasanan. E ta balora na mei miyon di dollar dia 6 November 2017.
Den fin di siman un homber a horta un escultura di e Colombiano, Fernando Botero den un galeria di Paris, door di djis pasa man cun’e y sali bay den bista di e varios bishitante, sin cu e guardianan di siguridad no a ripara tampoco, segun medionan Frances a informa.
E obra di brons, balora na mas o menos 425 mil euro (493 mil dollar) y ta pisa 10 kilo, tabata exponi den e galeria Bartoux, hopi cerca di e palacio presidencial di El Eliseo.
E robo a tuma luga diasabra y autoridadnan a keda sorprendi pa e metodo di e ladron, cu no a tapa su cara ni a uza violencia, segun videonan di e camaranan di siguridad.
Minuutnan prome di a pasa man cun’e y sali di e local, e individuo a realisa un training: el a tum’e, el a hib’e te na e salida y despues a bolbe pone na su luga di origen.
A pesar di e balor di e escultura, e galeria a bin haya su falta te oranan di anochi di diasabra, ora cu nan a bay pa cera.
Polis Frances a habri un investigacion pa e suceso straño aki.
Fuente: https://www.infobae.com/