Riverplate ta gana La Fama 7-0 den playoff Division Dama

0

Diadomingo 10 di juni 2018 den e di dos wega programa pa e playoff 2017-2018 a topa otro Riverplate ocupando e segundo lugar cu 7 punto tras di Britannia riba e standing, ta topa contra di La Fama cu ta na di ultimo lugar cu 1 punto.
Riverplate den e prome round di e playoff aki ta cai venci den nan prome wega contra
di RCA cu e score di 1-3.
Den nan segundo wega, nan ta sa di gana La Fama cu e score di 4-1. Den nan tercer compromiso ta gana di Britannia 2-0.
Den e di dos rond ta keda den un empate contra di RCA na 2-2.
Diadomingo Riverplate a bin pa sigura nan puesto pa e gran final.
Riverplate ta habri marcado tempran na di 2′ di wega pa medio di M Tromp #22 pa bai ariba 1-0.
Na di 33′ di wega Jessica Rivero #11 ta amplia e score na 2-0.
Despues tabata Ashley Douglas #27 ta score pa Riverplate bai ariba 3-0 na di 39′ di wega.
Den e prome 45′ nan di wega ta e ekipo di Riverplate tabata crea mas oportunidad y por a mira claramente cu a domina e wega.
Den e segundo parti di wega nos por mira cu e equipo di La Fama a cai completamente den defensa y asina duna Riverplate espacio pa por a aumenta e score, na di 71′ di wega ta M Tromp #22 ta bolbe score pa Riverplate bai ariba 4-0, na di 75′ di wega ta S Clarisa #4 ta score pa bai ariba 5-0. Despues ta M Tromp #22 ta bolbe score dos gol mas na di 81′ y 83′ di wega pa asina tambe Riverplate gana e wega cu e score di 7-0.
Final di e wega Riverplate vs La Fama 7-0, Gol nan M Tromp 4x Jessica Rivero 1x Ashley Douglas 1x y S Clarisa 1x. Y asina tambe Riverplate ta clasifica pa e gran final pa bai hunga contra di Britannia , faltando un wega mas pa hunga contra di e propio Britannia cu lo wordo hunga diahuebs 14 juni 2018 den CDGT pa 8 or pm.
Y na mes momento pero na CDFF lo topa otro RCA vs La Fama segun e schedule.

Comments

comments