Riu Palace Aruba y Riu Palace Antillas a treat nos habitantenan anciano di Huize Maristella cu un lunch festivo y un show di variedad anima y excitante, pa asina trece un tiki alegria na nan temporada di fin di anja.
Maristella ta un facilidad maneha pa Gobierno, proveendo un cas y cuido na nos ancianonan. Den e spirito di e temporada di fiesta, e hotelnan di RIU a trece cuminda, entretenimento y amistad pa e 160 habitante y miembronan di staff di Maristella, y asina trece un tiki alegria y positivismo net na ora pa e temporada di fiesta. Un total di 15 empleado di tanto Riu Palace Aruba como Riu Palace Antillas a yuda pa sirbi e cuminda festivo. Tambe nan tabatin e oportunidad increible pa papia y conecta cu e habitantenan anciano. E habitantenan di Maristella a yama e bishitantenan bon bini y di berdad a disfruta di nan presencia.
Ademas di e plato principal di e cuminda, e hotelnan di Riu a sirbi cupcakes cu tema di fin di aña y un show di entretenimento. Miembronan di e ekipo di entretenimento, presentadornan regular na tanto Riu Palace Aruba como Riu Palace Antillas, a deleita e habitantenan anciano cu un show di variedad dibertido cu tabatin tur hende ta gosa y disfruta di e animacion.
E habitantenan di Maristella, empleadonan di Maristella y empleadonan di Riu Aruba tur a disfruta di un dia di cuminda festivo, entretenimento y amistad.