Na ocasion di e firmamento di e acuerdo di gobernacion, Sr. Ricardo Croes tambe a hiba palabra. El a cuminsa na bisa danki cu nan tur a carga hopi pasenshi.
Y na tur otro cos cu ta tuma, pa tres partido forma un gobierno. Den e reunion di parlamento a pone pensa ariba e 21 biahanan cu el a subi Hooiberg y e ta sinti cu ta Hooiberg e ta bay subi atrobe. Nan tur a carga pasenshi, gradiciendo tanto Sra. Wever- Croes y Sr. Oduber, pa e trabao haci, pa e pasenshi y pa tur otro cos cu ta tuma pa forma un gobierno, entre tres partido cu ta diferente di otro.
Cada biaha cu el a subi Hooiberg, tabata representa integridad di parlamento. Pero e tin speransa ainda pa e parlamentarionannobo. E delirio ta sigui, segun Sr. Croes. El a duna un pabien na un simpatisantenan di e tres partidonan, pa e sosten. E programa di gobernacion lo bay dura, minimo cuater aña. Integridad no ta solamente un palabra, sino e ta un hecho necesario den parlamento di Aruba, den gobernacion di Aruba. E bon nomber di e pais aki a wordo atacha seriamente cu e detencion di e persona aki, ya caba pa 90 dia caba. Ainda tin hende cu no kier caba di compronde cu e acto aki ta uno bochornoso, castigabel, inaceptabel di un persona den calidad di minister.
Pero e coalicion aki si ta compronde e palabra integridad, cu e no ta solamente un palabra pero nan ta para pe palabra tambe, segun Sr. Ricardo Croes di partido RED.