DEN HAAG, Hulanda – Den e lista di terorismo nacional, dies Hulandes a wordo agrega. E teller ta para riba un total di riba 100: 97 persona, entre otro 11 hende muhe y tres organisacion.
Mayoria di e personanan riba e lista, cu ta wordo parti dentro di Union Europeo, ta envolvi na actividadnan terorista na Siria y Irak. Kende cu ta riba e lista di terorismo nacional, no por yega na su placa y no por haci uzo mas di su cuenta di banco y credit cards.
Asina por evita cu nan ta financia actividadnan terorista for di un cuenta di banco Hulandes.
Medidanan di prevencion
Hulanda a comparti e lista nacional di terorismo aki tambe dentro di Union Europeo y ta urgi pa e miembronan tambe haci esaki cu nan propio lista.
“Pa haci e listanan di terorismo publico y pa comparti, instancianan financiero y pa e ciudadanonan Europeo, ta bira mas cla pa ken e medidanan aki ta conta,” segun Minister Koenders di Asuntonan Exterior.
Kico ta e lista nacional di terorismo?
E lista nacional di teorismo no ta un lista di buskeda (opsporing) of un lista di e teroristanan mas busca. E ta un lista caminda cu persona y organisacionnan riba cual cierto medidanan a wordo tuma contra nan.
Esun cu ta para riba e lista, e mes no por yega na su placa, pero tin hopi otro consecuencia. Entre otro prohibi pa duna placa na persona y organisacionnan cu ta para riba e lista. Esun cu haci esaki toch, ta riesga un boet of hasta un castigo di prizon.
Ken cu ta riba e lista tambe por wordo kita for di dje. E medida aki ta un decision bestuursrechtelijk caminda cu por haci un obhecion riba dje.
Tambe personanan cu ta riba e lista aki tin e posibilidad pa haya parti di nan placa bek, por ehempel pa ricibi (un parti di ) un uitkering of tambe pa por paga huur, hipoteca of prima di seguro di cuido.
Akinan si tin mester di permiso. E peticion pa ontheffing por wordo haci na e ministerio di Finansas.
Fuente: RTL Nieuws