PHILIPSBURG, St. Maarten – Rey Willem- Alexander y minister Ronald Plasterk (Binnenlandse Zaken y Asuntonan di Reino) dialuna a yega St. Maarten. Nan a aterisa na Prinses Juliana International Airport. Nan lo bishita e isla cu a wordo asota door di horcan Irma y cu a laga un desolacion atras. Prome nan lo bishita e airport, cu ta crucial pa por cuminsa cu e asistencia. Despues Willem Alexander hunto cu Plasterk lo haci un recorido ariba e isla, unda cu nan lo papia cu polis, personanan cu ta brinda asistencia y tambe e personal militar. E siguridad ariba e isla ta fragil, segun premier Rutte a bisa diadomingo.
Willem Alexander lo bishita e hospital, Sint Maarten Medical Center. Tambe rey y Plasterk lo wordo poni na altura di e situacion di e haf y e suministro di awa.
Riba programa tin tambe un reunion cu gobernador Eugene Holiday, prome minister William Marlin y e minister di Husticia di St. Maarten.
Despues nan lo bishita Saba y St. Eustatius, cu tambe a wordo afecta door di horcan Irma, segun Servicio di Informacion di Reino (Rijksvoorlichtingsdienst).
Fuente: http://www.telegraaf.nl