Diamars tabata tin un reunion gescheduled cu e personal di CAO, cual a tuma luga tambe. Ta netamente informacion di loke Elmar ta bay haci e siguiente temporada a wordo suministra na e empleadonan, relaciona cu e herinrichting pa caba di implementa. Ta deber di e doño di trabao, pa haci esaki. Director di NV Elmar, Sr. Robert Henriquez ta splica.
Den e reunion a duna un presentacion con a yega na e base pa structura nobo, pa asina dunanan un tiki detaye di e social protocol, cu fin di September a duna na un sindicato. NV Elmar ta sigui manera planea den e informacion di empleadonan.
Sr. Henriquez a bisa cu e reunion enberdad a cuminsa un tiki turbulento, pero na final di dia e empleadonan a sinta y a tuma e informacion. A bin cu preguntanan relevante y e empleadonan a haya e contesta ariba nan preguntanan.
Elmar a pasa den un periodo di incertidumbre, door cu no tabata sa cu sindicato ta bay keda of cual ta bay drenta. Awo cu esaki ta cla, lo bay duna e informacion aki na e sindicato en cuestion, cu den e caso aki ta sindicato STA. Asina director di NV Elmar a duna di conoce.