Reunion cu delegacion Venezolano pa purba soluciona e situacion cu Venezuela

2

Diabierna atardi gobierno di Aruba a bay den un reunion cu e delegacion Venezolano, pa asina purba na yega na un solucion pa cu e medida tuma door di Venezuela.
E reunion aki a bin ariba sugerencia di gobierno di Aruba, pa asina yega na solucionnan pa e situacion cu a surgi na momento cu Venezuela a tuma unilateralmente e decision pa cera e fronteranan aereo y maritimo causando un molestia hopi grandi pa esunnan cu a keda pega eynan y nan famia.

Ta un reunion bastante intenso sinembargo e meta ta pa normalisa e relacionnan entre e islanan y Venezuela. For di robes pa drechi: Embahador di Hulanda, Sr. Braakhuis – Prome Minister di Aruba, Sra. Evelyn Wever-Croes – Vice Presidente y Minister di Comercio di Venezuela, Sr. Mora y Minister di Husticia di Corsou, Sr. Girigorie.

2 COMMENTS

  1. Frontera di Venezuela mester wordu controla pa Venezuela. Nos na ARUBA ta controla nos frontera.
    Esun cu jega cu mercancia y mustra recibo y traha su debido Douane papelnan y paga impuesto ta drenta legal. Tur Arubiano cu ta eybao a jega caba. Laga e medida sigi, ya nos tin menos molester di Venezolannan cu ta bin y no bay back. Maduro a haci nos un favor.

  2. Gobierno Venezolano ta stranjo, no di awor aki, ta di hopi tempo, prome cu Chavez. Tempo Bolivar tabata 4.30 pa Dollar, ta fiesta nan tabata fiesta. Bay Miami todo es barato dame 2. Di Eynan e lema di dame 2 a bin. Fuera di esey, majoria Venezolano ta bay Cucuta bay cumpra producto ey bao. Comercio di Cucuta tabata florece, Gobierno Colombiano contento, divisa tabata drenta na cantidad. Te na ultimo anjannan. Hasta Aruba a goza di dje. Pero e Sinverguenza di Gobierno, cu su ladronnan (di tempo aja) Guardia Nacional ta prohibi stranjero di bin cumpra cos na Venezuela y bay cu nan. Na Cucuta e ladronnan di Guardia Nacional ta kita tur cos for di nan. Aki mes cuanto lo a pasa aden, na Airport di Punto Fijo, cu Guardia Nacional ta kita loke bo ta bin cune. Nan no sa kiko ta divisa, nan si por sali cumpra afo, pero nan no kier otro bin eynan cumpra cos. Pesey danki Dios, ami ora mi a bay, mi no ta ni bay den comercio, ami ta bay have fun, come bon, dal mi cerbez nan, biba lekker y bin back man bashi.

LEAVE A REPLY

Please enter your comment!
Please enter your name here