Diabierna atardi gobierno di Aruba a bay den un reunion cu e delegacion Venezolano, pa asina purba na yega na un solucion pa cu e medida tuma door di Venezuela.
E reunion aki a bin ariba sugerencia di gobierno di Aruba, pa asina yega na solucionnan pa e situacion cu a surgi na momento cu Venezuela a tuma unilateralmente e decision pa cera e fronteranan aereo y maritimo causando un molestia hopi grandi pa esunnan cu a keda pega eynan y nan famia.
Ta un reunion bastante intenso sinembargo e meta ta pa normalisa e relacionnan entre e islanan y Venezuela. For di robes pa drechi: Embahador di Hulanda, Sr. Braakhuis – Prome Minister di Aruba, Sra. Evelyn Wever-Croes – Vice Presidente y Minister di Comercio di Venezuela, Sr. Mora y Minister di Husticia di Corsou, Sr. Girigorie.