Sindicato TOPA a ricibi e carta di retiro di e directiva di Parke Arikok finalmente. E proceso na e momentonan aki pakico e trahadonan no ta mucho contento ta, ta pasobra cu e manera con e directiva a retira su retiro den un forma ad hoc, no ta e sistema tampoco di haci esaki. Sr. Rene Bernabela ta amplia.
Awo cu e minister Oduber, practicamente tin cu bay atende cu e parke den un forma di bisa manera un capitan sin rumbo, e barco a keda manera un capitan cu no ta ariba e barco. Esakinan no ta e sistema caminda cu ta bisa cu e directiva cu ta respeta su mes como directiva, ta haci tipo di cosnan di e forma aki. Si e directiva tabata di bay retira, e por a bay den un forma mas amicabel den forma di dialogo cu gobierno (minister) na por a tuma nan retiro. Pero no na e forma cu nan a haci’e, unda cu e minister den pura, mester atende cu hues pa e forma con nan a tuma nan retiro y pa hues duna su persona pa autorisacion pa e por nombra hendenan temporal den e posicion di e directiva, te ora cu nombra un directiva nobo, den e caso aki pa locual ta parke Arikok.
Di un banda, Sindicato TOPA, toch ta contento mirando cu minister a cumpli ya cu siman pasa a duna minister un siman pa e tuma decision, awe por mira cu e decision a wordo tuma door di e directiva. E retiro aki ta duna e trahadonan toch un alivio, pasobra aworaki ta duna gobierno den e caso aki, y minister den e caso aki un oportunidad pa e structura bek e Parke manera cu mester ta, y nombra bestuur nobo. Despues cu e directiva nobo wordo nombra, lo mester nombra un director pa Parke Arikok, pa sa e maneho cu mester wordo hiba diariamente den e Parke. Manera cu ta wak’e, e manera con e tabata ta, ta cu e parke no tabata tin un director y ta e bestuur mes tabata dirigi e parke den su forma Operacional tur dia. Di otro banda, mirando e hecho cu e directiva tambe mirando tur locual cu nan a haci, pa e cambionan den statuut cu nan a haci, un cumpramento di tereno, un 14 den total, y sindicato no sa si e intencion tabata ta pa cumpra e tereno y pasa nan riba nan nomber. Esaki TOPA a condena severamente, y nan ta contento cu nan a tuma un decision y a retira. Manera a bisa anteriormente, ta duna gobierno c.q. minister e oportunidad pa reestructura e parke y pone funciona manera mester ta.
Manera con e ta hinca den forma di ley, e ora ta hues mester bay duna e parti di e bahamento di e directiva anto duna e minister e autorisacion segun ley, pa e por nombra un directiva temporal, te ora cu nombra un directiva oficialmente pa nan sigui opera e parke di e manera cu mester ta. E trahadonan no por nombra un directiva di nan mes y esaki ta hancra den e statuut di Parke arikok.
Pa es motibo aki tambe e minister a bay cerca Gobernador pa despues bay hues, pa e hues dun’e aprobacion pa retiro di e directiva actual y dun’e permiso pa nombra un directiva temporal te ora nombra un directiva manera mester ta.
E directiva ta culpa TOPA di diferente cosnan, cu ta e motibo cu cosnan no a cana bon. Pero den e proceso pa negocia CAO, cu semper ta un sindicato nan tabata negocia cun’e, tabata SEPPA. Pero TOPA ta refuta e declaracion di e directiva di Parke Arikok, Durante e negociacion di CAO, si nan tabata tin UN miembro so, e directiva mester respeta esey y invita TOPA pa participa na e negociacion di CAO. Esaki ningun momento tabata wordo haci door di e directiva y semper y cuando e directiva aki di Parke Arikok tabata sinta solamente cu sindicato SEPPA, te ora cu TOPA a pone presion ariba e asunto aki, bisando e gobierno y minister encarga cu esaki no por ta e caso. SI bo tin un of dos miembro na e Parke aki, sindicato TOPA mester por haya participacion durante negociacion di CAO y esaki bestuur di Parke Arikok no tabata aceopta, segun Sr. Rene Bernabela, lider di sindicato TOPA.