Resumen di siman di Flex Team

0
RBC Juli 2018
Funmiles-2018

Flex Team di Cuerpo Policial un biaha mas a tene controlnan localmente durante e siman di 16 te cu 22 di april cu ta tras di lomba.
Ora cu topa cu aglomeracionnan na luganan conoci manera Manuelitos, Hotel Bacarat (cera), casnan di pueblo na Noord, Madiki, Seroe Patrishi un biaha mas esakinan ta wordo controla cu man duro.
Localidadnan manera Lekker, De Olde Molen y Cas Casuela, a wordo controla y polisnan a zorg pa tur hende a bay nan cas despues di ora di ceramento.

Aglomeracion na Eagle Beach
Tur e gruponan cu den oranan di anochi ta aglomera na altura di Eagle Beach y cu tabata bebiendo alcohol y tocando muziek duro, nan atencion a wordo hala y cori for di e luga. Personana riba cual tin sospecho a wordo controla. E gruponan diadomingo a keda toca muziek duro te den oranan laat di anochi. Muziek duro ta wordo tolera te cu 11 or di anochi.

Aglormeracion riba parkeerplaats di The Village
Tur e gruponan cu durante e oranan di anochi ta aglomera riba e parkeerplaats di The Village, cu tabata bebiendo alcohol a wordo atendi y cori di e luga. Personanan ariba cual tabata tin sospecho a wordo controla.

Cambio den rooster relaciona cu ‘dia di Districto di D-4’
Riba 25 y 26 di mei 2018 wardanan di dia y anochi a switch den e districto di Santa Cruz. Surveillance di Districto 4 a celebra nan dia di districto.
Detencion B.D.M.S.
Dia 25 di mei 2018, pa mas o menos 8 or y 55 di anochi, a tene un patruya di rutina riba e caminda di Tanki Flip pa Kibaima. Na altura di Rowigini’s, polisnan ta para un Nissan Almera color oro, ya cu e lus di plachi number tabata daƱa. Durante cu polisnan tabata bezig cu e procesverbaal, e chauffeur B.D.M.S. naci na Colombia a declara na polisnan cu e tabata ilegal ariba e isla y cu e no tin rijbewijs.
Relaciona cu esaki a bay over na detencion di S. relaciona cu violacion di ley di LTU. Patruya a hiba S. pa warda di Santa Cruz unda el a wordo pasa pa personal di IASA.
Detencion di J.K. relaciona cu violacion di articulo 5 di L.W.V.
Diasabra 26 di mei 2018, pa mas o menos 4 or y 35 di marduga, polisnan ta haya un melding di un auto coriendo iresposabel ariba e caminda banda di ex Drive Inn. Tabata trata di un auto blanco, Hyundai I-30. Banda di ex restaurant B-55, polisnan ta wak e auto en cuestion ta bin for di direccion contrario. Polisnan a bay di biaha su tras. Nan a ripara cu e auto tabata core zigzag ariba caminda. A logra di para e auto riba e caminda di Kibaima pa Tanki Flip, pa un control.
A pidi e chauffeur pa baha for di auto. Polisnan a ripara mesora cu e chauffeur tabata bou influencia di alcohol. Esaki tabata riparabel na su wowonan wazig y cora, e no por a para ariba su pianan, su lenga pisa ora di papia y su rosea tabata hole puro alcohol. A pone e chauffeur supla ariba e alco sensor. Esaki a duna como resultado cu e nivel di alcohol tabata mas halto cu 220 microgram p/l. A bay over na detencion di e chauffeur pa violacion di articulo 5 di e Landsverordering Wegverkeer. Ta trata aki di J.K. naci na Aruba.

Control banda di Soul Beach Music Festival.
Siman pasa tabata tin e Soul Beach Music Festival den e Harbour Arena pa cual polisnan a tene patruyahenan di control den e area. Tabata basta druk.

Spotcheck control
Varios auto a wordo controla y a bin haya cantidadnan chikito di marihuana, sakitonan di cocaina, algun piedra di cocaina, sker, cuchiu. Tur esakinan a wordo tuma den beslag.
Resumen di siman: Siman 2018-21, periodo 21 di mei te cu 27 di mei 2018.
Total a tene 63 control.
Tabata tin un total di 5 detencion
Uno (1) pa violacion di LTU
Uno (1) pa stuur bou influencia
Cinco (5) pa violacion di ley di droga

Comments

comments

C: Heineken
new india
dvg