Resumen di Flex Team periodo di 26 di maart te cu 1 april 2018

0
RBC Juli 2018
ling and sons porciento
Funmiles-2018

Durante e simannan cu a pasa, a bolbe tene controlnan na nivel nacional.
Aglomeracion di hende na altura di luganan conoci pa polis manera Manuelitos, Hotel Bacarat, casnan di pueblo Noord, Madiki, casnan di pueblo Seroe Patrishi un biaha mas a actua cu man duro pa cu esaki.
Luganan manera Lekker y Olde Molen, Cas Casuela, a wordo controla y polisnan a zorg pa despues di ora di cera tur hende a bandona e sitio lo mas pronto posibel.

Aglomeracion na altura di Eagle Beach
Tur grupo cu durante oranan nocturno tabata na altura di Eagle Beach, bebiendo bebidanan alcoholico y bou di muziek duro a hala nan atencion y cori for di e luga. Y esunnan cu polisnan tabata tin un of otro sospecho, a wordo controla. Diadomingo tabata e prome dia di campamento. Den oranan di merdia por a cuminsa pone e tent y hutnan.

Aglomeracion di hende ariba parkinglot di The Village
Tur grupo cu durante e oranan di anochi tabata para den e parkinglot di The Village, bebiendo alcohol, polis a hala nan atencion y cori for di e luga. Esunnan ariba cual polisnan tabata tin algun sospecho a wordo controla.

Detencion di M., S. y B relaciona cu violacion di Ley di Droga
Dia 30 di maart pa mas o menos 12 or y 25 di anochi, polisnan ta para un KIA Picanto color shinishi na altura di Da Silva Tire Shop pa un control, despues di cu esaki a subi caminda sin duna preferencia na un patruya. Yegando cerca di e auto polisnan a haya holo di marihuana kima ta sali for di e auto. A pidi e chauffeur y e dos ocupantenan pa sali for di e auto. Den e auto polisnan a bin haya saconan tipo zip lock cu marihuana aden. Relaciona cu esaki dia 30 maart pa 12 or y 30 di anochi, a bay over na detencion di M. naci na Aruba, S. naci na Aruba y B. naci na Aruba relaciona cu violacion di articulo 4 di e Ley di droga. Nan a wordo transporta pa warda di polis unda cu a presentanan dilanti di Hues Comisario.
Control riba campamento banda di SSSN, Surf Side, Bushiri, Eagle y Arashi
Polisnan a tene un patruya di control durante e temporada di campamento. Na algun luga polisnan a haya holo di marihuana kima. A tene un control ariba un paar di mucha homber cu tabata para eybanda. A haya algun cabo di marihuana ariba nan. No tabata tin mas novedad.

Refuerso patruya di Strandpolitie na altura di Costa Linda
A pidi resfuerso pa unidad di Strandpolitie durante detencion di dos sospechoso cu tabata bou di influencia di alcohol. Na nan yegada a logra detene e dos personanan caba. A resulta cu nan tabata para cu e auto ariba beach. Ora cu a hala nan atencion pa cu esaki, unda a bin resulta cu nan tabata bou di influencia di alcohol. Nan a wordo deteni y hiba na e post di Strandpolitie.

Controlnan espontaneo
A tene control ariba varios auto y a haya cantidadnan chikito di marihuana, sakitonan di cocaina, algun piedra, sker, cuchiu, mashin di mula marihuana y esakinan a wordo tuma den beslag.

Resumen periodo 26 di maart te cu 1 april 2018
A tene un total di 103 control
Tabata tin tres detencion
3 (tres) relaciona cu violacion di ley di droga

Comments

comments

C: Heineken
new india
dvg