Aki ta sigui un resumen di e casonan den Corte di Prome Instancia pa dia 12 di Mei 2017.
Pa 8 or y 15 e acusadonan E.J.M.G. , H.J.D.B., O.Y.C.T., R.R.R.V., E.J.C.A., lo presenta dilanti di hues, Pro forma. M.G. y C.T. y C.A. ta wordo acusa di, conhuntamente cu un otro of otronan, ladronicia cu violencia contra un y/of tres persona di un gran cantidad di joyas di un persona y/of un joyeria riba 14 di januari 2017. E violencia a encera cu a mustra e
persona(nan) un arma di candela y a tene e arma den direccion di pecho di e persona(nan) y di a bisa nan pa nan drumi abao y tambe “No toques nada o te mato” of palabranan parecido. M.G. y D.B. ta wordo acusa di heling den e periodo di 14 pa 17 di Januari 2017.
M.G. ta wordo acusa di posesion di un arma di candela (un Glock 26) y su balanan riba 17 di januari 2017. D.B. y C.T. y R.V. ta wordo acusa di posesion di dos arma di candela (un Glock 17 y un Cobra) y nan balanan den e periodo di 13 pa 27 di Januari 2017.
Pa 8 or y 15, M.A.M. lo presenta dilanti di hues. Pro forma. M. ta wordo acusa di a intencionalmente maltrata su mes tata riba 23 di december 2015, dor di dal e varios biaha cu
mokete na su cabez y schop e na su curpa, dor di cual e tata a resulta herida.
E ta wordo acusa di a menaza su tata cu morto riba 23 di december 2015, dor di bise/grite na un forma menazante cu e mester cera su boca y cu e lo mate. E ta wordo acusa di tabatin intencion di maltrata e tata riba 9 di Januari 2016, dor di coy un boter y bay riba dje cu ne. E ta wordo acusa di a menaza un otro persona cu morto riba 9 di Januari 2016, dor di bise/grite cu e lo mate y lo corta su cara den cuatro pida, of palabranan parecido. E ta wordo acusa di a maltrata un di tres persona riba 9 di Januari 2016, dor di dal e varios biaha cu un palo di golf na su pia y di a tira boter(nan), bloki(nan) di cement y piedranan na su cabez, a
consecuencia di cual e persona a resulta herida. E ta wordo acusa di a intencionalmente maltrata un di cuatro persona riba 9 di Januari 2016, dor di dal e varios biaha cu mokete na su curpa. E ta wordo acusa di a maltrata un y/of dos persona riba 10 di november 2016 cu un arma (un beker di glas), dor di tira e glas riba nan, dor di cual nan a resulta herida.
E ta wordo acusa di a bolbe purba di maltrata su tata riba 17 di februari 2017, dor di tira un zapato cu forza den direccion di su cabez, pero hera. Finalmente e ta wordo acusa di a menaza e tata cu morto riba 17 di Februari 2017, dor di bise/grite: “Yiu di ****, homber bieu ******, mi ta bay kibra tur bo **** pa bo, bay den ***** di bo ****” of palabranan parecido.
Pa 8 or y 15 e acusadonan J.J.A.G., C.A.R., N.T.B., D.F.P.T., J.D.S.D., lo presenta dilanti hues. Pro forma. A.G. y R. y T.B. y P.T. y S.D. ta wordo acusa di, conhuntamente cu un otro of otronan, ladronicia cu violencia di un telefon celular y/of un tas cu contenido di un persona riba 22 di Januari 2017. E violencia a encera cu a mustra e persona un cuchio y a zwaai cu ne den su direccion y/of a saca un arma di candela riba dje y/of a bise/grite: “Dame todos tus cosas. Dinero, bolsa y telefono”.
Pa 9 or, e acusadonan J.G.R.M. y M.J.P.H. lo presenta dilanti di hues. R.M. y P.H. ta wordo acusa di importacion di cocaine y hennep riba 1 di November 2016.
Pa 9 or y 30 e acusado L.J.G.C., J.R.V. , R.D.P.P., J.C.G.M. y A.J.M. lo presenta dilanti di hues. G.C., R.V., P.P., G.M. y M. ta wordo acusa di a viola ley di droga na 2016.
Pa 10 or y 30 e acusado J.K.F. F. lo presenta dilanti di hues. E ta wordo acusa di posesion di arma di candela riba 16 Februari 2017.
Pa 11 or e acuado D.J.L.H. .L.H. ta wordo acusa di exportacion di cocaine riba 4 Februari 2017.