Aki ta sigui un resumen di casonan den Corte di Prome Instancia, pa dia 8 di December 2016
Pa 8’or y mey di mainta, e sospechoso WKSV, lo aparece dilanti di hues. V. ta wordo acusa di ladronicia cu violencia, conhuntamente cu un otro of otronan, riba 18 di September 2015. E ta wordo acusa di maltrato di arma na April 2016.
Pa 9’or di mainta, e sospechoso GAC lo aparece dilanti di hues. C. ta wordo acusa di malversacion na 2013.
Pa 9’or y mey di mainta, e sospechoso LMG lo aparece dilanti di hues. G. ta wordo acusa di heling riba prome di Februari 2016.
Pa 10’or di mainta, e sospechoso NLN lo aparece dilanti di hues. N. ta wordo acusa di posesion di un arma di candela riba prome di Maart 2015. E ta wordo acusa di a dal un persona cu un tubo di metal na su nek riba 2 di October 2015.
Pa 10’or y mey di mainta, e sospechoso ES lo aparece dilanti di hues. S. ta wordo acusa di a schop su mes mama varios biaha cu forsa na su curpa riba 11 di Juli 2015.
E ta wordo acusa di a maltrata su mama riba 28 di Juni 2016, door di intencionalmente dal e varios biaha cu mokete na su frenta, wowo, horeanan, boca, cachete, garganta, man, pianan y lomba, door di tene su mannan y draai nan y kinipi nan, door di ranca su cabey, y door di dal e cu su cabes na un mesa di palo.
E ta wordo acusa di a maltrata un otro persona riba 29 di Juni 2016, door di tene un zweep den su man na un manera intencionalmente menasante y bisa e persona: “Mi ta bay mata bo”, y door di bisa yiu di e persona: “Mi ta bin pa mata B.”
Pa 11’or di mainta, e sospechoso HEF lo aparece dilanti di hues. F. ta wordo acusa di kiebro y ladronicia di auto di un persona riba prome di October 2016.
Pa 11’or y mey di mainta, e sospechoso JB lo aparece dilanti di hues. B. ta wordo acusa di destruccion di bentana di un auto riba 2 di October 2016.
Pa 11’or y 50 di mainta, e sospechoso GAMG lo aparece dilanti di hues. M.G. ta wordo acusa di tabatin un laptop den su posesion den e periodo di 8 di Augustus 2016 pa 9 di September 2016, mientras cu e tabata sa cu e laptop tabata procedente di un crimen.
Pa 2’or di merdia, e sospechoso MAB lo aparece dilanti di hues. B. ta wordo acusa di asesinato den e periodo di 22 pa 23 di Maart 2016.