Aki ta sigui un resumen di casonan den Corte di Prome Instancia riba dia 26 Augustus 2016.
Pa 8’or y 15 di mainta, e sospechoso EKMH lo presenta dilanti hues. E caso aki ta pro forma, es decir, e caso aki lo tuma luga riba un otro fecha. H. ta wordo acusa di, conhuntamente cu un otro of otronan, intencionalmente y cu premeditacion, a tuma bida di un persona riba 19 di Maart 2015, dor di intencionalmente y trankilamente y deliberadamente tire un biaha cu un arma di candela na su cabes.
Pa 8’or y 15 di mainta, e sospechoso JCFK lo aparece dilanti di hues. E caso aki tambe lo ta pro forma. K. ta wordo acusa di, cu e intencion di tuma bida di un persona riba 10 di April 2016, a los tiro riba e persona aki.
Pa 8’or y 15 di mainta, e sospechoso GAE lo aparece dilanti di hues. E caso aki tambe lo ta pro forma. E. ta wordo acusa di a planta matanan di Cannabis riba 6 di Mei 2016. E ta wordo acusa di poseion di cocaine y hennep riba 6 di Mei 2016.
Pa 8’or y 15 di mainta, e sospechosonan CES y HLYS lo aparece dilanti di hues. E caso aki tambe ta pro forma. S. y Y.S. ta wordo acusa di, conhuntamente cu un otro y otronan, ladronicia cu violencia di un jeans, un par di keds, un suma di 5000 florin, un tas cu den dje un pasaporte, un ticket, yabi di cas y di apartament di un persona riba 5 di Mei 2016. E violencia a encera cu a persigui e persona cu dos arma di candela, a tene un arma di candela na su pecho, a bise na tono menasante: “Duna mi tur loke bo tin”, a dal e na su frenta cu cabo di e arma di candela of cu un machete, a dal e cu un bat di baseball na su cabes, a hink’e cu un cuchiu na su pecho, a grita “Mate! Mate!” y a core bay gritando: “Esun cu yama polis, nos ta kima nan cas!”.
Y.S. ta wordo acusa di posesion di cocaine riba 5 di Mei 2016.
Pa 8’or y mey di mainta, e sospechosonan REE y LDFM lo aparece dilanti di hues. E. ta wordo acusa di, conhuntamente cu un otro of otronan, intento di ladronicia di violencia contra un y/of tres persona na un restaurant riba 16 di Februari 2015. E intento a encera cu e y e otro sospechosonan a drenta e restaurant cu cara tapa y/of a saca arma di candela riba e personanan presente den e lugar y/of a haci como si fuera a carga e arma y/of a tene man bao di camisa como si fuera tabata sconde un arma y/of a dal un di e personanan cu arma na su cabes.
Pa 10’or y mey di mainta, e sospechoso AST lo aparece dilanti di hues. T. ta wordo acusa di intento di asesinato di un persona riba 4 di Februari 2016, door di hinke varios biaha cu cuchiu den pecho.
E ta wordo acusa di intento di asesinato di un otro persona riba e fecha ya menciona, door di hink’e varios biaha cu un icepick den su barica y lomba.
E ta wordo acusa di intento di asesinato di un di tres persona riba 4 di Februari 2016, door di hink’e varios biaha cu un icepick na su barcia y pecho.