Aki ta sigui un resumen di e casonan den Corte di Prome Instancia pa dia 21 di October 2016.
Pa 8’or y mey di mainta, e sospechoso MAB lo presenta dilanti di hues. E caso aki ta uno pro forma. Esaki ta nifica cu e caso lo wordo trata riba un otro fecha. B. ta wordo acusa di asesinato riba 22 di Maart 2016.
Pa 8’or y 45 di mainta, e sospechoso MTC lo aparece dilanti di hues. Corte lo tuma un decision tocante ehecucion di e parti condicional di tres castigo di e sospechoso aki.
Pa 10’or y mey di mainta, e sospechoso AEvP lo aparece dilanti di hues. V.P. ta wordo acusa di ladronicia cu violencia di un suma di placa di un persona riba 18 di Januari 2016. E violencia y menasa a encera cu el a punta un arma di candela riba e persona, cu el a bise/grite: “Keda keto. Solo placa, solo placa”, y cu el a oblige bao menasa di e arma, pa habri e porta y e heki di un establecimento pe.
E ta wordo acusa di ladronicia cu violencia di un suma di placa di un persona riba 20 di Januari 2016. E violencia y menasa a encera cu el a punta un arma di candela riba e persona, cu el a bise/grite: “Money”, cu el a carga e arma, cu el a pone e arma riba garganta di e persona y cu el a bise pa e bay drumi riba e cama sin bira wak.
E ta wordo acusa di ladronicia cu violencia di un suma di placa di un persona riba 25 di Januari 2016. E violencia y menasa a encera cu el a tene un arma di candela contra e ribchinan di e persona, cu el a bise/grite: “Busca el dinero” y cu el a tene e arma dirigi riba dje.