Resumen di casonan den Corte di Prome instancia riba dia 2 di December 2016

0

Aki ta sigui un resumen di casonan den Corte di Prome Instancia pa dia 2 di December 2016
Pa 8’or y 15, e sospechosonan CES y HLYS lo aparece dilanti di hues pa ricibi nan veredicto.
Pa 8’or y 15 di mainta, e sospechoso MT lo aparece dilanti di hues. E caso aki ta uno Pro Forma. Esey ta nifica cu su caso lo bay haya un otro fecha. T. ta wordo acusa di a tuma bida di un persona riba 11 di Juli 2016 door di intencionalmente y cu forsa, hink’e varios biaha cu un of mas cuchiu na su curason y pulmon, nek y garganta, y door di dal e cu forsa cu un martio na su frenta. A consecuencia di esaki e persona a fayece.
Pa 8’or y 15 di mainta, e sospechoso MGR lo aparece dilanti di hues. E caso aki tambe ta uno pro forma. R. ta wordo acusa di violacion di un persona menor di edad den e periodo entre prome di Juni 2014 y 22 di October 2014.
E ta wordo acusa di a intencionalmente plama of ofrece imagennan di tinte sexual di e persona aki riba 24 di Juni 2015.
E ta wordo acusa di tabatin den su posesion un chip of sd-card y un of mas celular cu e imagennan ya menciona, den e periodo di prome di Juni 2014 te 13 di Juli 2016.
E ta wordo acusa di a menasa e persona varios biaha via WhatsApp den e periodo di prome di October 2014 te 30 di Juni 2015.
Pa 8’or y 15 di mainta, e sospechoso MGR lo aparece dilanti hues. E caso aki tambe ta un pro forma. E ta wordo acusa di a menasa dos otro persona di prome di Juli 2015 pa 16 di October 2015 via WhatsApp y Facebook, door di laga sa cu e lo mata un di nan y door di (entre otro) manda e siguiente mensahenan por escrito: “Tende aki, bisa bo **** yiu ****, no **** cu mi pasobra mi ta mata ****!” y “Pero bo **** yiu R. djis baha for di bus pa e muri!’.
E ta wordo acusa di a intencionalmente susha nomber di un di e dos personanan aki den e periodo di prome di Juli 2015 te 16 di October 2015, dor di (entre otro) pone un foto di dje riba Facebook cu e texto: “Si tabatin titulo di **** di siglo R. lo a gane! E prosti aki a haci bo **** cu un otro y despues laga bo pa un muher! Kiermen bo no ta sirbi pa un **** anto! Cheee! Me on top always!”
Pa 8’or y 15 di mainta, e sospechoso RAJ lo aparece dilanti hues. E caso aki tambe ta uno pro forma. J. ta wordo acusa posesion di un revolver y bala riba 12 di Augustus 2016.
Pa 8’or y 15 di mainta, e sospechoso AGS, lo aparece dilanti hues. E caso aki tambe ta uno pro forma. S. ta wordo acusa di, conhuntamente cu un otro of otronan, y cu e intencion pa tuma bida di un y/of tres persona riba 5 di Augustus 2016, a los varios tiro cu un arma di candela riba e auto den cual e hendenan aki tabata sinta.
E ta wordo acusa di a destrui e bentana di e auto di un di e personanan riba 5 di Augustus 2016, conhuntamente cu un otro of otronan.
Tambe e ta wordo acusa di, cu e intencion pa tuma bida di un y/of dos persona riba 4 di Augustus 2016, a los un of mas tiro riba nan cu un arma di candela.
Pa 8’or y mey di mainta, e sospechoso EMP lo aparece dilanti di hues. P. ta wordo acusa di a viola un persona riba 17 di Mei 2016.
Pa 9’or y mey di mainta, e sospechoso ERRL lo aparece dilanti di hues. E caso aki ta uno pro forma. R.L. ta wordo acusa di abuso sexual di un persona menor di edad di 2011 te 2013.
Pa 9’or y 45 di mainta, e sospechoso DJK lo aparece dilanti di hues. K. ta wordo acusa di posesion di un arma di candela y bala den e periodo di 24 di Maart 2016 te 15 di Augustus 2016.
E ta wordo acusa di posesion di hennep riba 15 di Augustus 2016.
Pa 10’or y mey di mainta, e sospechoso CCM lo aparece dilanti di hues. M. ta wordo acusa di, conhuntamente cu un otro of otronan, y cu e intencion di tuma bida di dos persona, a los varios tiro riba e dos personanan aki riba 10 di Juli 2016.
E ta wordo acusa di posesion di un arma di candela riba 10 di Juli 2016 y riba 15 di Augustus 2016.
E ta wordo acusa di, conhuntamente cu un otro of otronan, y cu e intencion di tuma bida di dos persona y un di tres persona (kende a keda desconoci), a los varios tiro riba e personanan aki riba 15 di Augustus 2016 of riba porta di un cas.
Pa 2’or di merdia, e sospechoso HAA lo aparece dilanti di hues. A. ta wordo acusa di ladronicia cu violencia riba 11 di Februari 2016.