Aki ta sigui un resumen di casonan den Corte di Prome Instancia pa dia 16 di November 2016.
Pa 8’or y 15 di mainta e sospechosonan KRSP y JEFB lo aparece dilanti di hues. E caso aki ta uno pro forma. Esey ta nifica cu hues lo bay duna un otro fecha pa trata e caso.S.P. y F.B. ta wordo acusa di, conhuntamente cu un otro of otronan, a tuma bida di un persona riba 30 di Juli 2016, door di hinca e persona aki intencionalmente cu un cuchiu den su garganta/nek.
Pa 8’or y 15 di mainta, e sospechoso ORV lo aparece dilanti di hues. E caso aki ambe a uno Pro Forma. V. ta wordo acusa di, cu e intencion di herida un persona gravemente, a intencionalmente los un of mas tiro cu un pistool di aire riba dje riba 19 di Augustus 2016.
E ta wordo acusa di posesion di un pistool di aire, o sea un arma di candela, riba 19 di Augustus 2016.
Pa 8’or y 15 di mainta, e sospechoso RJEB lo presenta dilanti di hues. Pro forma. B. ta wordo acusa di a, conhuntamente cu un otro of otronan, ladronicia cu violencia di 30 dollar y/of un telefon celular y/of un of mas renchi di dede riba 23 di Augustus 2016. E violencia a encera cu a mustra e victima un arma di candela y a pone riba su curpa y a menas’e cu un wrenchi.
Pa 8’or y 15 di mainta, e sospechoso CMM lo aparece dilanti di hues. Pro forma. M. ta wordo acusa di, conhuntamente cu un otro of otronan, cu e intencion di tuma bida di un y/of tres persona, a los un of mas tiro den direccion di e auto den cual nan tabata sinta riba 5 di Augustus 2016.
Pa 8’or y mey di mainta, e sospechoso AST lo aparece dilanti di hues. T. ta wordo acusa di intento di asesinato di un persona riba 4 di Februari 2016, door di hink’e varios biaha cu cuchiu den pecho.
E ta wordo acusa di intento di asesinato di un otro persona riba e fecha ya menciona, door di hink’e varios biaha cu un icepick den su barica y lomba.
E ta wordo acusa di intento di asesinato di un di tres persona riba 4 di Februari 2016, door di hink’e varios biaha cu un icepick na su barica y pecho.
Pa 10’or di mainta, e sospechosonan RFDP y DERA lo aparece dilanti di hues. R.A. ta wordo acusa di, conhuntamente cu un otro of otronan, kiebro y ladronicia cu violencia den un cas riba 23 di Augustus 2016. E violencia tabata encera cu el a pone un arma di candela riba e curpa di e persona.
R.A. ta wordo acusa di, conhuntamente cu un otro of otronan, kiebro y ladronicia cu violencia den un cas riba 23 di Augustus 2016. E violencia tabata encera cu el a pone un arma di candela riba e curpa di e persona.
R.A. ta wordo acusa di, conhuntamente cu un otro of otronan, kiebro y ladronicia den un cas na Washington di un auto y su yabi di switch riba 24 di Mei 2016, di kiebro y ladronicia den un cas na Safir di un stofzuiger, telefonnan, tools, carchi di banco y otro propiedadnan riba 16 di Juni 2016, di kiebro y ladronicia den un cas na Washington di un tas, placa, camera, telefonnan, auto y su yabi y mas pertenencianan riba 4 di Juli 2016, di kiebro y ladronicia den un cas na Washington di placa, carchinan di banco, rijbewijs, Ipad, un auto y su yabi di switch riba 7 di juli 2016, di kiebro y ladronicia den un cas na Washington di un cartera, placa, rijbewijs, un auto y su yabi y otro propiedadnan riba 7 di Juli 2016, di kiebro y ladronicia den un cas na Safir di un tas, cosnan di bula kite, brilnan di solo, Ipod, hamaca, un auto y su yabi di switch riba 14 di Juli 2016.
R.A. ta wordo acusa di kiebro y ladronicia di televisionnan flatscreen den un cas na Sero Blanco den e periodo di 2 pa 4 di Augustus 2015.