Aki ta sigui un resumen di casonan den Corte di Prome Instancia pa dia 13 di April 2017.
Pa 9’or y 10 di mainta, e sospechoso RDG lo aparece dilanti di hues. G. ta wordo acusa di a intencionalmente distrui bentana di un cas na Pos Chikito y/of bentana di auto di un persona riba dia 3 di Januari 2016.
E ta wordo acusa di a intencionalmente distrui bentana di un cas na Brazil y di a intencionalmente distrui bentana di un cas na Trinitariastraat, tur dos riba 3 di Januari 2016.
E ta wordo acusa di a intencionalmente distrui bentana di un auto riba 3 di Januari 2016.
Pa 9’or y mey di mainta, e sospechoso DMF lo aparece dilanti di hues. F. ta wordo acusa di, cu e intencion di herida un persona, a staca cu cuchiu varios biaha den direccion di barica di e persona aki riba 14 di Januari 2016.
Pa mas of menos 10’or y 15 di mainta, e sospechoso PAFL, casa cu W. lo aparece dilanti di hues. F.L. ta wordo acusa di posesion di cocaine riba 14 di Februari 2016.
Pa mas of menos 10’or y 35 di mainta, e sospechoso WRRL, lo aparece dilanti di hues. L. ta wordo acusa di buracheria riba caminda publico riba 30 di Januari 2016.
Pa mas of menos 10’or y 45 di mainta, e sospechoso GJC lo aparece dilanti di hues. C. ta wordo acusa di tabatin hennep den su posesion riba 31 di Januari 2016.