Aki ta sigui un resumen di casonan den Corte di Prome Instancia pa dia 9 di September 2016.
Pa 8’or y 15 di mainta, e sospechoso NJVJ lo aparece dilanti di hues. E caso aki ta uno pro forma. Es decir cu e caso aki lo wordo trata riba un otro fecha. V.J. ta wordo acusa di, conhuntamente cu un otro of otronan, ladronicia cu violencia di un suma di placa y telefon(nan) di un y/of cuatro persona. E violencia a encera cu el a tene un pistool riba e hendenen, a scop un di nan na su cabes y a los dos tiro.
Pa 8’or y 15 di mainta, e sospechoso MAMP lo aparece dilanti di hues. Pro forma. M.P. ta wordo acusa di exportacion di cocaine riba 18 di Mei 2016.
Pa 8’or y 15 di mainta, e sospechoso OYRG lo aparece dilanti di hues. R.G. ta wordo acusa di exportacion di cocaina riba 19 di Mei 2016.
Pa 8’or y mey di mainta, e sospechosonan MNT y RRvdB lo aparece dilanti di hues. T. ta wordo acusa di a intencionalmente tuma bida di un persona riba 7 di December 2016, door di intencionalmente tire un of mas biaha cu revolver den su pecho y/of lomba. E ta wordo acusa di tabatin e intencion di tuma bida di un otro persona riba e mes fecha, door di tire un of mas biaha cu revolver den nek of garganta.
V.d.B. ta wordo acusa di a intencionalmente tuma bida di un of dos persona riba 7 di December 2016, door di yuda T. door di dune e revolver y/of bala.
V.d.B. ta wordo acusa di posesion di un revolver of pistool of bala riba 7 di December 2016.