Aki ta sigui un resumen di e casonan den Corte di Prome Instancia pa dia 9 di Juni 2017
Pa 8 or y 15, e sospechososnan K.E.P, D.N.B., J.I.T.G. y H.Z.N.H., lo presenta dilanti
hues Pro forma. P. y B. y G. y H. ta wordo acusa di, conhuntamente cu un otro of
otronan, ladronicia cu violencia di tas di un persona den un cas riba 19 di januari 2017.
E violencia tabata dirigi riba un y/of dos persona y a encera cu a dal un di e
personanan na su cabez y/of a saca un arma di candela y/of a dal e di dos persona cu
un cabo di a arma y a bise: “Si bo move, mi ta tira bo”.
P. y H. ta wordo acusa di, conhuntamente cu un otro of otronan, ladronicia cu violencia di un bril y un tas riba 23 di januari 2017. E violencia tabata encera cu a tene e persona y a dal e varios biaha cu e cabo di un arma di candela y a los un of mas tiro cu e revolver.
P. y B. y H. ta wordo acusa di, conhuntamente cu un otro of otronan, ladronicia cu violencia di un cartera cu 2.200 florin di un persona riba 9 di januari 2017 den un cas. E violencia tabata encera cu a saca un arma di candela y a punta e arma riba e persona.
P. y B. y H. ta wordo acusa di, conhuntamente cu un otro of otronan, ladronicia cu
violencia di vuurwerk di un y/of dos persona riba 31 december 2016 den un cas. E violencia tabata encera cu a saca un arma di candela y a punta e arma riba dos personanan y/of a dal un di e personanan varios biaha cu un wandelstok na su cabez y/of dal e otro persona cu mokete na su cabez.
P. y B. y G. ta wordo acusa di, conhuntamente cu un otro of otronan, ladronicia cu violencia di cen y/of un cartera y/of un telefon di un persona den un cas riba 5 di Januari 2017. E violencia tabata encera cu a saca un arma di candela y/ of a bisa e persona: “Nos kier bo placa sino nos ta tira bo mata” y/of a dal e cu mokete den cara y/of a pusha un cushinchi riba su cara pa sofoca y/of a dal e varios biaha cu mokete den su cara y/of a bise: “Nos ta bay tira bo mata” y/of “Pa e biaha aki nos ta laga bo bay, pero si bo mester bay polis, nos ta mata bo”.
P. y B. y H. ta wordo acusa di, conhuntamente cu un otro of otronan, intento di ladronicia den un cas di 17 januari 2017. E violencia tabata encera cu a saca un arma di candela.
P. y B. y G. ta wordo acusa di, conhuntamente cu un otro of otronan, ladronicia cu violencia den un cas riba 17 di januari 2017 di joyas y/of telefon celular y/of placa y/of yabinan y/of un caha fuerte. E violencia a encera cu a pone un arma di candela riba dje y a pushe cu forza riba un cama.
P. ta wordo acusa di posesion di un arma y balanan riba 17 di Februari 2017
Pa 9 or , e sospechoso C.M.J.M., lo presenta dilanti di hues. M. ta wordo acusa di posesion di dos revolver y balanan den e periodo di 17 di Januari 2017 te 17 di Februari 2017. E ta wordo acusa di posesion di cocaina y hennep riba 17 di Februari 2017.