Aki ta sigui un resumen di casonan den Corte di Prome Instancia pa dia 8 di Juni 2017.
Pa 8 or y 30, e sospechoso C.J.C.M. lo mester presenta dilanti di hues. C.M. ta wordo acusa di a intencionalmente destrui spiel y/of bentana(nan) di auto di un persona riba 8 di maart 2015.
E ta wordo acusa di a menaza un otro persona cu morto riba 8 di Maart 2015, dor di bise cu e lo tire tres biaha. E ta wordo acusa di a maltrata un di tres persona riba e fecha ya menciona, dor di ranke na su cabey y/of choke y/of dal e na su cabez.
C.M. ta wordo acusa di ladronicia di golfcart di un hotel, conhuntamente cu un otro of otronan, riba 11 di april 2014.
Pa 8 or y 50, e sospechoso R.E.E. lo presenta dilanti hues. E. ta wordo acusa di a menaza un y/of dos persona cu morto riba 23 di April 2014. E ta wordo acusa di a menaza un persona cu morto riba 21 di Juli 2014. E ta wordo acusa di a sistematicamente y intencionalmente viola e ambiente personal y priva di e persona aki den e periodo di 15 pa 22 di juli 2014, dor di bay na su cas y trabao diferente biaha y/of warde na parada di bus y/of siguiele y/of papia cu ne na un manera menazante, insinuante of intimidante.
Pa 9 or y 30 A.M.B.T. lo presenta dilanti di hues. T. ta wordo acusa di, cu e intencion pa causa su mes mama lesion grave, a dal e mama varios biaha violentemente cu un martio na diferente parti di su curpa riba 7 di Februari 2014. E ta wordo acusa di a resisti detencion riba 10 di maart 2016, cu consecuencia cu un di e polisnan a resulta herida na su dedenan.
Pa 10 or J.J.C. y T.J.H. lo presenta dilanti di hues. C. ta wordo acusa di kiebro y ladronicia di un auto riba 28 di Augustus 2015, conhuntamente cu un otro of otronan. E ta wordo acusa di kiebro y ladronicia den un cas riba 28 Augustus 2015, di un television y mas propiedad, conhuntamente
cu un otro of otronan.
H. ta wordo acusa di heling di un auto y di un television y otro cosnan di cual e tabata sa of mester por tabata sa cu nan ta procedente di crimen, riba 28 di Augustus 2015.
Pa 10 or y 30 A.G.D. lo presenta dilanti di hues. D. ta wordo acusa di a maltrata un agente policial riba 26 di Oktober 2014.
Pa 11 or J.J.D. lo presenta dilanti di hues. D. ta wordo acusa, conhuntamente cu un otro of otronan, ladronicia di tubonan di koper na un scol basico riba 4 di Januari 2017.
Pa 11 or y 20 G.C.R. lo presenta dilanti di hues. C.R. ta wordo acusa di a kibra bentana(nan) di auto di un persona riba 11 di April 2016.
Pa 11 or y 45 G.R.G. lo presenta dilanti di hues. G. ta wordo acusa di, conhuntamente cu un otro of otronan, a cende candela den un restaurant na Baby Beach riba 10 di Maart 2012.
Pa 11or y 55 A.J.L. lo presenta dilanti di hues. L. ta wordo acusa di a viola ley di droga riba 2 di Maart 2016.