Diamars anochi, net prome cu 12or a bati, e torneo mas grandi den e deporte di Beach Tennis a conoce nan campeonnan pa e ITF Aruba Open 2017, den e categoria di Pro. Weganan a cuminsa ya desde 9or di mainta y a culmina te den ora nan laat di anochi. No a tuma nota si cu esaki a stroba e amantenan di e deporte aki di keda pa wak e final ya cu e tribunanan tabata completamente yen di tanto local y como tambe persona nan cu a bin di exterior pa experiencia e torneo aki. Mester remarca cu en total un cantidad di 1200 persona ta participando di 34 diferente pais
Pa loke ta e resultadonan, den e categoria femenino, akinan Patricia “Patty” Diaz di Venezuela a bay final contra Camila Ponti di Italia. Aki bo ta papia di number 12 contra 59 di mundo y na final Camila a bay cu e victoria ganando Patty cu e score di 7-1. Por a tuma nota cu Patty tabata basta cansa, y esaki ta di spera ya cu e la bin ta hungando di diahuebs siman pasa durante e Panamerican Championship
Di otro banda, esaki no tabata tin niun influencia riba e determinacion cu Ramon “Nacho” Guedez tambe di Venezuela a bin e aña aki cune. Despues di a titula campeon den dobles durante e weganan di Panamericano, diamars anochi e la bataya contra e Brazilero, Airton Rodrigues. Akinan ta trata di number 28 contra 89 di mundo
Fuera di e categoria di Pro, tabata tin final den tur otro demas categorianan, cual ta fun, intermediate y advanced. Tambe durante dia a tuma luga e double masters y den anochi e ganadonan e keda conoci
E programa pa e resto di siman ta como lo siguiente:
Diahuebs 16 november – Nations Cup & Team Cup / 09:00 – 22:00
Diabierna 17 november – Doubles Tournament / 09:00 – 22:00
Diasabra 18 novomber – Doubles Tournament / 09:00 – 22:00
Diadomingo 19 november – Finals Doubles Tournaments
Riba combinacion di e potret nan por tuma nota di e diferente ganadonan.