Aruba Triathlon Association a organisa cu ayudo di su sponsornan:Guardian Group y Lotto pa Deporte, dia 27 di Augustus ultimo e Guardian Group Kids Aquathlon.
Esaki a tuma luga na Rodgers Beach, San Nicolaas pa 7:00 di mainta.
Den grupo A 7-8 aña a partica 5 mucha, den grupo B 9-12 aña a participa 12 mucha y den grupo C 13- 14 aña a participa 6 mucha individual y 2 Relay Team, pa un total di 27 atleta Kids.
E categorianan tabata:
Categoria Super Sprint A: 7-8 aña:Run 500 m – Swim 50 m – Run 500 m
Categoria Supee Sprint B: 9-10 aña/11-12 aña: Run 1 km – Swim 100 m – Run 1 km
Categoria Super Sprint C: 13-14 aña: Run 1.5 km – Swim 200 m – Run 1.5 km
Un danki di curason na Sandra Postma pa e bunita potretnan.
Por wak esakinan riba su wall di Facebook.
Un danki tambe ta bay na e boluntarionan cu a yuda cu kayak, den lama y na keerpunt/waterpost.
Naturlamente tambe na e mayornan cu a trece y apoya nan yiu na e evento aki!
E siguiente evento lo ta e Guardian Group Duathlon Nacional, cual lo tuma lugar dia
11 di September 2016 pa 7:00 di mainta na Boca Cathalina.
Inscripcion ta sosode via: www.arubatriathlon.com