Resultado destaho publico Serlimar S. G pa truck di desperdicio, truck di roll-
on roll-off y skidsteer loaders nobo
Recientemente Serlimar S G a tene un destaho publico pa trucknan nobo. Serlimar S G tin e meta pa sigui crese y sigui brinda e comunidad di Aruba e servicio completo di calidad y pa cumpli cu esaki tur truck y material mester por opera 100% eficiente.
Tur compania cu kier a participa por a cumpra e bestek na Serlimar S G y por a analisa esaki. Serlimar S G a organisa un dia di pregunta unda tur compania interesa por a asisti y haci nan preguntanan.
Ariba 25 di mei 2018 un total di 4 compania a inscribi pa e destaho publico cu a tuma luga na oficina Serlimar S G na San Nicolas. Termino y Condicionan aplicabel pa e destaho publico ta lo siguiente:
– Percela 1: Specificacion tecnico pa 13 truck di desperdicio residencial y 5 desperdicio comercial;
– Percela 2: Specificacion tecnico pa 4 roll-on roll-off trucks
– Percela 3: Specificacion tecnico pa 2 skidsteer loader
E destaho publico mes a sera 12.00 di merdia riba 25 di mei 2018 y tur cu a participa a cumpli cu
esaki. Di 6 compania cu a cumpra e bestek, 4 compania a entrega nan oferta pa e tres diferente
percelanan, y esakinan ta lo siguiente: A.I.S. Leasing Enterprises N.V., Arubaanse Wegenbouw N.V., Garage Centraal Aruba y R.E. Yrausquin & Sons.
Presente na e destaho publico tabata Notario Johnson cu a ricibi tur e ofertanan di cada compania den un carta sera cu a wordo entrega oficial door di Serlimar S G . Despues di e destaho publico, Management Team y departamento di Beleid a controla tur e ofertanan aki, na un manera transparente y conforme cu regla di “good governance” y dia 26 juni 2018 a duna un advies final.
E compania cu a gana e destaho publico ta lo siguiente:
– Percela 1. 13 truck di desperdicio residencial y 5 comercial R. E. Yrausquin & Sons;
– Percela 2. 4 roll-on roll-off R. E. Yrausquin & Sons;
– Percela 3. 2 skidsteer loader A.I.S. Leasing Enterprises N.V.
Serlimar S G ta conforme cu e procedura di e destaho publico y kier a gradici tur esnan cu a manda nan oferta.