Restonan humano a wordo haya den un auto BMW, cual a wordo descubri den Gray Bay cerca di Walter Plantz Square. Esaki a sosode dialuna mainta.
Segun informacionnan, e restonan humano tabata gespart tur paden di e auto. E auto a wordo descubri pa un turista cu tabata snorkel den e area.
Bou di guia di autoridadnan competente, un compania local di towing a saca e vehiculo for di awa. E parkeerplaats di Walter Plantz Square a wordo cera pa publica pa asina polis por haci e investigacionnan corespondiente.
Investigadonan Forensico tabata na e luga, despues cu e auto a wordo saca for di awa . E auto a wordo hiba pa Bobby’s Marina y despues transporta pa Warda di Polis di Phillipsburg.
Segun descripcionnan, e vehiculo ta di color blauw y no tabata tin su plachi number poni. Con e auto a bin para den e awa, te ainda ta un misterio.
Identidad di e restonan humano no por a ser deduci. E caso ta bou di investigacion.