Un lobster por sufri si nan pone riba ijs? Segun e Tribunal Supremo di Italia, si. Pasobra e institucion aki a confirma e condena cu tin riba un restaurant cu tabata mantene e tipo di marisco aki cu bida riba awa friu y no den un tanki di awa, manera sa ta habitual.
E establecimento, situa den e localida di Campi Bisenzio, pafo di e ciudad di Florencia, a wordo multa cu 5 mil Euro pa e motibo aki aña pasa. E sancion a wordo motiva pa e denuncia di un asociacion animalista local cu a argumenta cu e animalnan “tabata den un camber friu, cu nan tenglanan ta tembla di friu y den condicionnan incompatibel cu nan naturalesa, loke tabata provoca un gran sufrimento.”
Huesnan a subraya cu e lobsternan ta biba den awa lauw, un medio cu sa wordo replica den otro restaurantnan cu tankinan di awa keinta y oxigena.
E Tribunal Supremio Italiano a abora e dilema aki,sigurando cu ta da igual cu e destino posterior di un lobster ta un weya cu awa herbi: nan merece pa nan wordo trata bon na bida.
E sentencia ta indica cu cushina lobster bibo ta un “custumber social” pero mester respeta nan mantenimento pa nan no sufri, ya cu nan ta “sernan sensibel cu por sinti dolor.”
Fuente: https://es-us.noticias.yahoo.com