Ol Pejeta Conservancy, Kenya – Na prome bista, Sudan ta parce manera cualkier otro rinoceronte blanco di nort (Northern White Rhino): robusto y agil, cu lipnan cuadra.
E ta come su yerba bao di e solo cayente, cu su cabes masivo baha, den e Ol Pejeta Conservancy na Kenya.
Ora cu e no ta bezig ta core rond den su area, e ta balancia rond di e sabana, parando brevemente pa bebe awa for di un plas.
Pero Sudan no ta cualkier otro Rino. e ta e ultimo “Northern White Rhino” den henter mundo.
Pa un animal riba drempel di extincion, e destino di e subespecie ta carga riba su habilidadnan pa paar cu dos otro hembra den e sanctuario.
E compañenan hembra di Sudan, Fatu y Najin, ta biba den e sanctuario, caminda cu expertonan ta percura pa sigura cu e subespecie no keda extingui.
E animalnan ta bao di proteccion di 24 ora pa guardianan arma. Rinocerontenan ta wordo gemik pa jaagdonan, yena cu e creencia cu na Asia nan cacho ta cura varios malesa. Expertonan ta bisa cu e cacho di un rino a bira mas lucrativo cu droga.
Den adicion na e siguridad constante, e sanctuario a pone transmisornan di radio riba e animalnan y ta despacha rangernan incognito den comunidadnan cercano pa haya informacion riba jaagmento.
E sanctuario tambe ta recaudando fondo pa yuda ekipa y entrena e rangernan kendenan ta cuida e rinonan.
Riba drempel di extincion
Na 42 aña, Sudan ta bieu den añanan di un rino. Fatu, 15 ta jong jong, mientras cu Najin tin 25.
Aunke cu e tres rinonan fisiologicamente ta saludabel, edad por ta un factor, George Paul, veterinario interino di e sanctuario.
“Sudan ta practicamente bieu y no por naturalmente subi y paar cu un hembra,” el a bisa.
Adicionalmente, su cantidad di sperma ta abao, cu ta complica e esfuersonan natural y cientifico, expertonan ta bisa.
Najin por concebi, pero su pianan patras ta asina swak, cu posiblemente no por soporta pa un macho subi’e.
“Tabata tin registro di paarmento entre diferente pareha durante e ultimo añanan, pero no tabata tin concepcion,” Paul a bisa. “Basa riba un saminacion reciente di salud conduci, ambos animal tabata tin un ciclo regular di estrus, pero ningun concepcion a wordo registra.”
Y si uno no wordo registra pronto, e animal lo stop di existi.