WASHINGTON , D.C., Merca- Paul Ryan, e lider Republicano den e House of Representatives, dialuna a uni su mes na e coleganan di partido cu ta pidi e retiro di e candidato pa Senado, Roy Moore. E candidato ta wordo acusa door di diferente hende muhe pa acoso sexual. Ryan a bisa cu e acusasionnan ta “creibel”.
Diamars un otro acusacion a drenta, e biaha aki di un muhe di 56 aña cu ta acusa Moore di a atak’e sexualmente tempo cu e tabata tin 16 aña. E ta di cinco muhe cu ta bin padilanti cu acusacionnan contra di Moore. Tur e otro acusacionnan ta bay over di incidentenan cu a sosode hopi aña atras y ta procedente di muhenan cu a pasa door di esaki tempo cu nan tabata mucha muhenan jong.
Moore ta candidato (Republicano) pa Senado representando e estado di Alabama. E eleccionnan aki lo tuma luga otro luna.
Fuente: https://www.msn.com