Despues cu a bin pa dilanti un confusion cu Daniel Orosco ta doño di Señor Frog’s Aruba no ta berdad, abogado Jocelyn Croes di CDC Law & Consultancy, a splica cu pa cual el a bin cu representante di Señor Frog’s Internacional pa cual awor ta spera riba un caso den corte pa e por sali bek for di Aruba.
El a splica cu e no a haya un orario pa e kortgeding cu nan a pidi, tur cos dependiendo e hues. A splica e urgencia di e caso aki y esey ta e caso cu SIAD a dicidi cu Daniel Orosco, no por sali for di Aruba te ora cu e debenan di belasting di Jobem NV wordo paga. E ta un caso hopi belastingtechnisch. Tin un ley ta bisa cu belastingdienst, si bo no paga e debenan, por retene e director di e compania na Aruba. Den e caso aki, sr. Daniel Orosco no ta director di Jobem NV, ni tampoco e ta accionista. Ley ta di tal forma cu e ta bisa cu si bo handel zoals een bestuurder, tambe nan por tene bo y esey ta loke Belastingdienst ta uzando. En todo caso, e actonan no ta constitui esey. Pero den corte lo mustra esey y lo keda na hues lo dicidi di Belastingdienst tin rason of no. Esey ta e caso cu tin pa Daniel Orosco por bay bek. Daniel Orosco ta traha pa Señor Frog’s Orlando. E ta e operations manager na Orlando pa e compania aki y el a bin Aruba pa motibo cu Jobem NV tin dos aña sin paga nan royalty fee pa e uzo di e logo di Señor Frog’s. Ta papiando di un suma grandi, esta miyones cu nan no a paga y pa esaki nan a bisa nan den un carta pa nan cera y si no cera lo bay cobra un multa miyonario pa cada dia cu uza e logo y e nomber pa cual motibo laga e persona aki bin, den un forma diripente pa dal e portanan cera. No ta e a cera e portanan tampoco. Esun cu a cera e luga, ta e GM di Jobem NV. Cu ta un perosna local. Hunto cu e administrado, a cera esaki. A coy tur placa di caha, ten’e y e ora ey a duna Daniel Orosco e yabi y a entreg’e na e doño di e edificio. Esey ta loke Orosco a haci aki y a bise pa tal y tal motibo e luga mester cera.
Pa e parti di e placa ningun momento Orosco a bay cune si no e placa a bay riba e cuenta di banco pa asina sigui cumpli cu pagonan cu mester ser haci segun Croes.
Mientras tanto a tende riba caya cu e placa ey lo a wordo verduistert, cu e persona lo a biaha cun’e. E placa di benta a wordo deposita riba e cuenta di e compania. E no a gana un schoonheidsprijs con cos a bay y a splica esaki na e cliente. E director mes no ta na Aruba tampoco, segun Croes. Ta laga un persona cu no tin ni arte ni parte den e compania pa duna carta, ciendo cu e no tin autoridad legal pa haci esaki. A pidi nan permiso pa duna un rueda di prensa pa splica kico a sosode, pero a splica nan si cu den e forma cu a bay, no ta manera di cana. Na Aruba tin cu bay labor prome y papia cu e empleadonan. A puntra nan pakico no a papia cu e empleadonan y nan a bisa cu e empleadonan lo wordo paga y sigui wordo paga, cual placa a drenta tambe caba. Croes a manda un recibo pa e abogado di e trahadonan, kende ta sr. Gomez. E abogado ta conciente cu e placa di e empleadonan tey, aunke tin di compronde cu ta desmenti esaki. E empleadonan mester sa cu a ricibi un comprobante cu e placa a wordo manda.
Pa loke lo bay sosode cu Jobem NV, nan tin debe hopi grandi na Aruba y tambe den exterior di tal magnitud, cual nan tin perdida pa e ultimo añanan y nan a pidi e abogado pa pidi pa faillecement. Ya tin tercer partidonan cu lo bay pidi esaki prome cu Jobem NV mes pidi. E consecuencia lo ta cu e luga lo bay cera. Lo bay bin un curator y e empleadonan lo tin nan caminda di cana pa haya un cesantia. Pero en todo caso, nan ta garantisa e salarionan di December y Januari di e trahadonan. Esey ta practicamente e situacion cu a surgi na Jobem NV y pakico el a bay e forma cu el a bay.